كيف الحال يا بنات ان شاء الله الجميع بخير اليوم بقدم لكم البصارة من الاكلات الشعبية الفلسطينية وهي اكلة خفيفة وسريعة التجهيز
البصارة اكيد بتعرفوها وازا ما بتعرفوها اليوم بتعرفوها نروح للمقادير وطريقة العمل عشان تعرفوها يلا يلا
المقادير:
المقادير
2 كاس فول مجروش
ملوخيه ناشفة مقدار كاس الشاي المتوسط
معلقة كبيرة عين جرادة "هي بذور الشبت الاخضر )
2 فص ثوم
2 قرن فلفل
نصف كاس الشاي زيت زيتون
2 مكعب ماجي وانتي بتكملي ملح الطبخه حسب ذوقك
طريقة العمل:
1-قبل بيوم تقومي بنقع الفول في ماء حتي لا ياخد وقت طويل في الطبخ
2- في يوم طبخه بتصفي الميه عنه وبتجيبي طنجرة بتحطيه بالطنجرة وتصبي عليه 6 اكواب ماء وبتخليه يستوي طبعا مش حيذوب كله لو احتاج ميه صبي عليه
بتهرسيه اما بجهاز براون اللي بنحط بالطنجرة او بتصبيه بالخلاط وبتحطي معه معكعبات ماجي
ملاحظة:خلال الطبخ اضفت تقريبا نصف كوب ماء
حيتكون رغوة بيضاء بتشيليها
3- بترجعيه بالطنجرة وبتعاودي تشغلي النار عليه وتخليه يرجع يغلي حتلاحظي انه حيكون ثقيل شويه بعد الهرس في هذة الاثناء بتصيري ضيفي الملوخيه شويه شويه وبعدها الدقة مع التحريك المستمر حتي يتجانس
4 - في اثناء سلق الفول بحضر الدقة طبعا بتدقي الثوم والفلفل والعين جرادة مع بعض وبتقلبيهم شويه علي الغاز مع زيت الزيتون تقليبه خفيفة
5- لا تنسي تدوقي ملحه حسب ذوقك
بتخليه قد دقيقتين يغلي وبتطفي عليه وبتصبيه في صحون وبتسبيه يبرد لانها بتتاكل باردة مع السلطة الفلسطينية زيت الزيتون والبصل الاخضر والزيتون والخبز العربي وبتقدميها
او ممكن تاكليها دافئة وبايمكانك تزينيها باالبصل المحمر
حتلاحظي انها حتجمد لما تبرد
اما الطريقة بالصور
ارجو عدم الرد حتي يكتمل الموضوع
ارجو عدم الرد حتي يكتمل الموضوع