طريقه البصاره تحفه ومجربه ومعتمده علي طريقتي
المقادير:
1 كوب فول مدشوش
نص حزمه كزبره خضرا
بصله
توم فصوص
نعناع ناشف
كزبره ناشفه
الطريقه:
باغسل الفول واحط عليه ميه واسيبه علي النارواقطع عليه بصله متوسطه و الكزبره الخضرا وحوالي 5 فصوص توم بحالهم واسيبهم لغايه لما يستووا تماما واشيله من علي النار واسيبه يبرد وبعدين اضربه في الخلاط (انا بانعمها قوي بتبقي أحلي) وارجع احط الخليط علي نار هاديه واحط التوابل شويه كزبره ناشفه علي شطه لزوم الشطشطه يميم بتبقي جميله وطبعا شويه نعناع ناشف افركه واحطه وملح واكون مجهزه بصله مقطعه صغير واحمرها في زيت (مش سمنه) ولما تحمر اخد نصها بالزيت بتاعها واحطهم علي البصاره وغلوتين واشيلها من علي النار واوزعها في اطباق واسيبها لغايه لما تبرد خاااااااااالص وبعدين ارش البصل المحمر علي الوش وبالهنا والشفا انا باحب اعصر عليها ليمون واكل تجنن بجد ....:o
zouza @zouza
محررة ماسية
يلزم عليك تسجيل الدخول أولًا لكتابة تعليق.
الصفحة الأخيرة
يسلموووووووووووووو