البطاطا المشوية

وأنا كمان اتمنى اعرف طريقتها

اذا تقصدو البطاطس المهروسة ؟
فهي اني اغسل البطاطس الكبيرة زين و الفها بقصدير و ادخلها حوالي ساعة في فرن الكهرباء او الفرن العادي
بعدها اقصها من النص .. و اهرس اللي في النص من غير ما اخرب الاطراف .. و احشيها بلحم مفروم مع قشطة خفق .. و بهارات .. و ارش عليها جبن موتزاريلا .. تطلع تجنن


او مثل اللي في الفيصلية في مطعم لندن .. اهرس البطاطس .. مع شوية زبدة و ملح .. و احط الحشوة اللي ابي فوقه .. مثل الذرة و الزيتون و الفاصوليا الحمراء و غيرها

حبيبتي انا اسويها وتطلع زي اللي في البيتزاهت قطعي البطاطا مثل تقطيعتهم وحطي عليها شووووية زيت بحيث تكون ممسوحه بالزيت والفلفل الاسود والكمون والملح ودخليها الفرن واشعلي النار من تحت ومن فوق حتى تحمر والله انا سويتها وعملت رز ابيض على دجاج المظبي اللي وصفته احد الاخوات الله يجزاها الف خيروعجبت زوجي وملحوظه البطاطا بعد ما تغسليها قطعيها بقشرها للفائده

اذا قصدك اللي تجي شرائح عريضة ... فسألت عنها قبل كم شهر هنا وما احد عطاني علم
قمت انا قلت اجرب ...
قطعت البطاطس شرائح عريضة مثل اللي عندهم وسلقتها وبعدين صفيتهم بالصينية ودخلتهم الفرن .. من فوق الى ان اشقر ...
طلع مقارب بالشكل بس الطعم عادي مو مثل اللي في ايكيا ... اكيد بهاراتهم معطيتها الطعم اللذيذ بس وشهي بهاراتهم ( الله اعلم )