البطاط بالكاري
تجيبي اربع او خمس بطاط كبار تقرشيهم تقطيعهم مربعات وتسلقيهم نص سلقه ماتزيدي في السلق عشان مايهترسوا
تجيبي شوي تمر هندي وتنقعيه بمويه حاميه وتخليه ع جمب انا سويت اليوم ١٥ فص تمر هندي ( حومر )
تجيبي الخلاط تقطعي له طماطتين وفصين ثوم وشوي كزبره وواحد فلفل حار وتخلطيه وتخليه ع جمب
تجيبي حله تقطعي لها بصله وتحمريها مع فصين ثوم وتضيفي واحد او اثنين فلفل حار تشقي شوي من الفلفل بالسكين بس ماتشقيه كامل تضيفي خمس حبوب حلبة تتحمر مع البصل والفلفل الحار المشقوق تضيفي للبصل المحمر الخلطه الي خلطتيها بالخلاط ثم تضيفي البطاط المسلوق نص سلقه تضيفي التمر الهندي مع الماء المنقوع تغمري البطاط بالماء تضيفي ملعقه كاري بس اذا زيدتي كميه البطاط تزيدي الكاري اليوم سويت ملعقتين كاري
تجيبي ربع كوب ماء تضيفي له ملعقه دقيق ابيض وتحركيها وتسكبيها للبطاط وتعملي الملح وتعملي ليمونه تمزيها للحله وتوطي الشوله وتغطي الحله الين تحسي ان الماء صار ثقيل تغرفيها لطاسه زي حق الشربه تاكليها ع ملعقه ما ناكلها بخبز ناكلها بالملعقه وتمتعي بالطعم ممكن تستغني عن حبوب الحلبه
ماكان عندي فلفل قرون سويت ملعقه فلفل احمر
اهم حاجه تخليهم يتسبكوا فتره لما تحسي ان الماء صار ثقيل
