جايبه فيها اروع واسهل عجينه للبف
بيطلع البف بيها ذهبي مقرمش ولايشرب الزيت
صدقوني انا الوحيده عند اهل زوجي اللي مااحد قادر ينافسني في البف في اي مناسبه يطلب مني البف واتمنى تتبعي المقادير وطريقة القلي زي ما حكتب على ضمانتي اللي تذوقه حتطلب منك الطريقه (شكلي واثقه زياده )
الاتستغربي من المقادير ولا تحكمي الابعد ما تجربيها وصدقيني حتدعيلي
واتمنى اللي تجربها ترد ايش صار معها
ما أطول عليكم اترككم مع
المقادير
3كاسات دقيق (نوعيه جيده )
ملعقه كبيره نشا
ملعقه كبيره كستر
فنجان قهوه زيت
ملح
تخلط جميع المقادير السابقه مع بعض وتعجن ب (من كاسه الى كاسه ونص ماء دافئ) حسب ما تشوفي العجينه صارت لينه
تترك لترتاح العجينه تقريبا نصف ساعه (اذا كنت مستعجله موضروري )
بعد كذا تبدئي في فرد العجينه باخذ قطعه وفردها بالمفرده الكهربائيه ابتداء من رقم واحد حتى الرقم اللي قبل الاخير في المفرده او السمك المناسب لك لكن لما تكون رقيقه تصير مقرمشه
الحشوه
طبعا انتي حتكوني مجهزه الحشوه المناسبه اللي تتكون من
لحمه مفرومه
بيض مسلوق
بقدونس مفروم
تخلط مع بعض وتتبل ب (ملح ـ فلفل ـ كمون )
تقلب جيدا ونبدأ بأخذ كميه قليله ووضعها على العجينه وتقطيعها مربعات بواسطة القطاعه المتعرجه واحده تلو الاخرى وترص على قطعه من القماش وتغطى باخرى حتى لاتلتصق وفوق القماش توضع سفره حتى لايجف
ثم يقلى وبالهناء والعافيه
ملاحظه
لقلي البف بطريقه ناجحه يجب ان يكون الزيت ساخن
وما نقلي حبات كثيره حتى نتمكني من رش الزيت عليه بواسطة ملعقة القلي اول ما نحطيه في الزيت وحتلاحظي مجرد ما تحطيها في الزيت وتبدي في رش الزيت فوقها انها تنتفخ
***** الله عن قريب انزل صور
وبالهناء والعافيه
