البكريه لازم تعوشر؟!!

السلام عليكم
والله يبنات انا مليت كنت ميته على الحمل ومشتاقه له بس الحين طلع من عيوني
الحمد الله الحمل سليم واموري سليمه وبخيررر

لكن مشكلتي اني في البيت لحالي وزوجي مسافر
وماقدر اروح لهلي ولا هم يقدرون يجوني
وماغير كني جنيه في البيت وتدهورت نفسيتي وصرت اخاف على البيبي من كثر الصياح والبكا وقلة الاكل
لانه ماعاد لي نفس اطبخ ولا اكل وماعندي شغاله ولا شي وعايشه على الخبز والجبن :(
واحس نحفت كثيررر وصرت عصاقيل وهذا شهري لي فيه 10 ايام
وابي اولد بسرعه وخايفه اني اعووشررر
ماعاد اتحمل اقعد بروحي
اللي تعرف طريقه تعجل الولااده ابي اولد واروح لهلي علىى اقرب طياره

مابي وحده تقول يجي بوقته من جد فديتكم ابي اسرع طريقه وانا للحين ماجربت ولا شي
الا المشي وطريقة اللي توقفين وتقعدين وانتي مفوشحه وماغير اليوم الثاني انترس بطني كله تشققات بسببها كان جاف وانا مادهنت قبل اسوي التمرين والحين يحرقني