السلام عليكم ياخوات السعد الله يسعد أيامكم ولياليكم
أنا مشتركة جديدة ولكني متابعه للمنتدى قديمه والله يابنات انكم تسرون الخاطر وتونسون كأنكم خوات ياليت تظمون أخت لكم جديده إذا مافيه مانع !
اما بالنسبه لسؤالي فهو وش رايكم في البلاستيك اللي طايحين فيه الناس بدل الموكيت وهل صحيح انه يطلع ريحه في البيت ؟؟
تكفون ردوا علي
كل الاسامي @kl_alasamy
عضوة نشيطة
يلزم عليك تسجيل الدخول أولًا لكتابة تعليق.
الله يجزاك خير يادلة قهوة والله انك ريحتيني لاني كنت مقتنعه فيه بس خوفوني منه مع اني قلت ان الريحه ما تطلع الا اذا كانت راعية البيت مهمله ماتهتم يعني المشكله مو من الفينيل !!:42:
الصفحة الأخيرة
السلام عليكم ورحمة الله وبركاته
اختي كل الأسامي
انا وعن تجربة شخصية فارشه بيتي كله من الفينيل إللي هو البلاستك او المشمع إللي انتِ تسألي عنه
بصراحة:
ريحني كثييييييييييييير لعدة اسباب
1ـ انا ما اقدر على الموكيت لأني صاحبة ربو والدكتور نصحني اشيل الموكيت لأنه يمسك غبار
وتتكاتر فيه حشرة البق إللي تسبب الحساسيه .
2ـ إذا كان عندك اطفال يسهل تنظيف الفينيل بعد حوستهم
3ـ ما يمسك رائحة ولا يطلّع رائحة مثل ما سمعتي بالعكس لأنه سهل التنظيف و ما يمسك الوسخ فيه
بس في امور لازم تنتبهين لها إذا فرشتي الفينيل
1ـ ما تفرشينه في المطبخ لأن إذا جاء عليه ماء ممكن يزحلق .
2ـ تنتبهين من البخور " فحم البخور" لأن إذا طاح على الفينيل جمر يترك لك مكان الجمر بقعه او حفرة سودا .
3ـ لازم تقولين لعمال التركيب ان يضعوا على حواف الفينيل سيليكون " داير ما يدور الغرفة" علشان يمنع تسرب الماء إذا انكب من الدخول بين الفرش و البلاط وبكذا ما يكون في اي مياه راكدة ممكن تطلّع رائحة.
4ـ اختيارك للفينيل " سماكته ولونه مهم جداً "
ونصيحة مني لك
اختاري النوع السميك
اختاري الشكل الرخامي او الخشبي .
اتمنى اكون افدتك.