سبحان الله ......... ليش كلهم ينطو من البلوكنه اول مايجوك ....
وكيف ترتاحين لهم بعد محاولة الهروب وماتسفرينهم
(( انا عن نفسي مستحيل اخليها بعد ماحاولت انها تهرب .... على طول ترحيل )))
لازم تنتبهي منهم على نفسك وعلى بنتك .. بحكم انك عامله
والبلكونه ابنصحك قفليها .... قبل ماتنط وحده منهم ويصير لها مصيبه او تموت وتتورطون
وياهلا بك
أم ميثا
•
الساحرة الشريرة
وبعدج تخلين بنتج ويا هالبشر !!!
والله مادري شو أقول بعد كل هالبلاوي اللي سمعتها :(
وبعدج تخلين بنتج ويا هالبشر !!!
والله مادري شو أقول بعد كل هالبلاوي اللي سمعتها :(
الصفحة الأخيرة
أول خدامة جبتها كانت اندونيسية وجلست عندي بس 5 ايام والسبب انها ادعت اني ما اعطيها تاكل واني اسبها وراحت المكتب وقالت لهم انها ما كلت من خمس ايام
رديت عليها وقلتلها ولين الحين عايشه ما موتي من الجوع ضحك صاحب المكتب وقالهاصحيح كلام المدام
الخدامه الثانية كانت سيرلانكيه وكانت شايفة شغلها على اكمل وجه لكن كانت عينها على زوجي وما كملت عندي المدة وسفرتها الى بلدها
الخدامة الثالثة اندونيسيا استمرت عندي لمدة شهر وكانت اندونيسيا وسبب السفر انها اول ماجت كملت اسبوع نطت من البلكونة وهربت من البيت وراحت الشرطة وقالت انه المدام ضربتني واتصلو فيني الشرطة وقالولي ان خدامتي في الشرطة وانا كنت نايمه يعني صحيت على صوت التليفون واستغربت كيف الخدامة في الشرطة دورت في البيت وفعلا مالقيتها بعد شويه اتصلت فيني صاحبت مكتب الخدم وقالتلي الخدامة كذابة وانا شافت جسمها هي وظابط الشرطة وماشافه فيها اي اثار للضرب ورجعت للبيت وسامحتها واستمرت للعمل وبعدين جاء شهر رمضان وهي في غرفتها وكانت تصلي العشاء وانا قاعده في الصالة الا واسمع صوت صريخ رحت غرفتها لاقيتها طايحه على الارض ومتشنجه وتصارخ بصراحه خفت منها وطلعت بسرعه من غرفتها واتصلت على امي وجت امي وجابت معها المسؤ ل في المكتب ويااخواتي اول ما شافته تمت تطالعه وبعدين اخذها دخلها الحمام وغسلها وجهها ورقبتها وصدرها بالماء وطلعها من الحمام وجلس على السرير وجلسها على رجليها وقعد يسألها ويقولها ها حبيبي شوفيكي ليش زعلانه والاخت قاعده وماخذه راحتها وحاطه راسها على كتفه وبعدين هديت الاخت وصارت فرحانه ومبسوطه وكل هذا وانا وامي واقفين في حالة ذهول تام من اللي يصير قدامنا بعدين قالنا المسؤل انا عارف هي شو تريد وقالي لان بيتي مافيه شباب لذلك هي تعبانه وطلعتها من بيتي وقالتها عيني عينك انا ما اريد اشتغل هنا انا اريد بيت فيه شباب
الخدامة الرابعه اندونيسيا وهذه بعد اول ما جت نطت من البلكونة وهربت وراحت المكتب وقالت لهم انا مااريد اشتغل خدامة انا اريد اشتغل على البدالة قالها المسؤل ليش هو على كيفك انت جايه خدامة وتشتغلي خدامة واستمرت عندي لين ما خلصت مدتها بس بصراحه كانت نظيفة وشايفه شغل البيت وفي حالها
اما الخدامة الاخير واللي هي موجودة عندي الحينوهي اندونيسيا فهي مثال للوساخة والقذارة والرائحة الكريهة والاهمال والكسل والصياعه في الشوارع والكذب ونقل الكلام
وهي موجوده عندي وان شاء الله راح تسافر في شهر 3 وافتك منه وبعد ما تسافر ما اريد اجيب خدامات بس مش عارفة شو اسوي مع بنتي الصغيرة لاني انا اشتغل يعني فترة الصبح وين اخليها وكمان شغل البيت كثير
لا واللي يقهر ياأخواتي ان الضيوف ما يكثرو الا لما يكون مافي خدامة