حبوبه
لاتسوين مشاكل بينج وبين زوجج على بلوتوث اقنعيه ان الواجب عليه مايستخدمه استخدام سيء

وبقولج شي

اذا انتي منعتيه لايجيبه البيت عندج

تتوقعين مايشوووف الافلام هذي باجهزة ربعه:confused:

اوزني الامور بحكمه حبيبتي وكثر الدق يفج اللحام:11:

قهوة فرنسيه
اشلون هذي محادثه عن طريق البلوتوث يديده اول مره اسمعها منج

ان الي اعرفه صور وفيديو بس

بسم الله , و الله غريبه تقولون عادي بلوتوث , يوم قلت لزوجي اشترلي جوال كاميرا شكله جديد قال ما اشتريه لين تحلفين ماتفتحينه , قلت خلاص بس و الله ماقدرت ابن ادم خطاء و النفس اماره بالسوء لكن وعد مني اعلمك ايش شفت و اذا بفتحه . ويوم رحت اشتري جوال عجبني واحد و بالصدفه مافيييييييييييييييييييييييييي بلوتوث , و شريته مع ان زوجي قال خذي اللي تبين .
اتحدى ثم اتحدى اي وحده عندها جوال بلوتوث ما شافت شي الفضول له دور ( الا من رحم الله ) ثم الرسايل تجيك بمجرد فتحه ها عاد مين مابتفتح ,
و الله احنا محاسبين على انتشاره بين أولادنا و بناتنا .
خليك حبيبتي رافضه اقل شيء انتي انكرتي منكر و هو المحاسب , لكن تفهمي انه رجل و يشوف الغالبيه عندها هالشيء فخليك منكره و قوليله انك مو راضيه و هو و ذمته و العين تزني و زناها النظر , و عيال الحرام و بنات الحرام كثير .
و النت مافيه فضايح بنات الناس مثل البلوتوث , مصايب البلوتوث و الفضايح اغلبها حقيقه لبنات و اولاد البلد .
وفين فوائد البلوتوث اللي محد يقدر يستغني عنها و الله ماقد سمعت بفائئئئئئئئئئئئئئئئئئئئئده واحده كله تسليه و ممكن بالمره استغني عن اقل فائده فيه ان وجدت .
هذا رأيي و لن ادخل في جدال مع من هم ضده و لكل وجهة نظر .
اعذروني على جفائي في الرد على الموضوع لكن الغيره على الدين تحكم . و لا احب اكتب الا ما احب رؤيته يوم الحساب .
اللهم هل بلغت اللهم فاشهد .

" قهوه فرنسيه "

بالنسبه للي سألتي عنه

لازم اول شي تكون الخدمه عندك وعنده ..

وتقريبا نفس جيل الجهاز .. انتي وياه

وموجوده في الجوال

اسمها بالانجليزي Transfer
وبالعربي .. اظن اسمها اضغط لتحدث
شكل الصوره لها جوالين بينهم سهمين ..

هو مايبغاله شرح مجرد ماتشوفي الصوره بتعرفين ..وطريقة الشرح تلقينها بالكاتلوج حق الجوال

وانشالله اكون افدتك ..:26:

"صورة "

لا تعممين ترى كل تقنيه فيها الخير والشر واذا انتي شفتي الشي اللي مو زين هذا يعني مو كل الناس زي ماشفتي ..

عموما انا تخصصي network ومستفيده كثير هالشي في مجال دراستي بالنسبه لنقل المعلومات والملفات اللي ابيها يعني مثلا فيه اشياء عجبتك عالنت نزلتيها على الجهاز وتبين تورينها لاحد ..

تقدرين ترسليها لجوالك عن طريق البلوتوث خصوصا ميزته انه مافيه اسلاك زي الــir بالنسبه للجهاز

مثلا عجبتك صور دينيه او تبين تنزلين على جوالك موسوعه اي شي عجبك .. وتقدرين تنزلين سور القران الكريم تقدرين تنزين كتب مخصصه ماتقرينها الا في الجوال ..مثلا صديقتك محتاجه شي حق بحث وبالصدفه لقيتي الكتاب اللي تبيه في كذا سطر تصورينه وبعدين ترسلينه لصديقتك عن طريق البلوتوث ..

وبالنسبه للفضايح فيه بالنت .. وفيه قروبات ومواقع مخصوصه للي يبي هالسوالف ..

اختي اللي يبي الفضايح ماراح يعوقه البلوتوث .. بيلقاها لانه يبيها .. كل مافي الموضوع .. انه البلوتوث اسرع في الانتشار و خدمه مجانيه وتشتغل بدون شبكه بس لا اكثر ..

عموما اذا ماشريتو البلوتوث بيجيكم شي اعظم وبتضطرون تستخدمونه اللي هو الــmms لانه موجود بكل جوال ..

أنا عندي جوال البلوتوث ومغلق دايما وحتى لا أعرف شو استخداماته ولا فكرت أعرف حتى لأنه لا يلزمني اصلا .