اليوم سويت البليله المصريه وقلت لازم اوريكم طريقتها
بس هذا الطبق يختلف عن البليله اللي متعارف عليها في دول الخليج ( النخي , الحمص )
هذا الطبق حلو
المقادير مع الطريقه
كوب حب هريس مغسول ومنقوع 3 الى 4 ساعات
ناخذ ملعقتين طعام حليب بودره ونخلطهم مع 3 اكواب ماء ونحطهم على النار
لما يبتدي يغلي نحط حب الهريس على الحليب
ونخليه على نار هادئه حتى يلين الحب
وكلما نشف الماء نضيف ماء خالي بدون حليب
بعد ما ينضج الحب ويصير لين
ناخذ نص كاس حليب بودره مع نص كاس ماء
نخلطهم مع بعض و نضيفهم على الحب
نضيف سكر والكميه بتكون حسب الرغبه
نضيف ملعقتين نشا الى قليل من الماء ونخلط الى ان يغلظ الخليط
نضيف نص ملعقه صغيره فانيلا
نخلط المزيج مع بعض وبيكون بهذا الشكل
والبليله بتكون جاهزه
وعوافي على قلوبكم حبيباتي
