طالب عدد من الفتيات السعوديات بان يعملوا في المنازل بعد اللي سمعوه عن ارتفاع رواتب الشغالات الحيشيات وقالو انهم
مستعدين للعمل وان الرواتب مغريه وانهم يتميزون عن الحبشيات بانهم لا ولن يفكروا مجرد تفكير بالهرب وان رواتبهم
تكفيهم بزياده واحسن من رواتب العديد من الوظائف الحكوميه والخاصه ويتعهدون للاسر السعوديه اللي تخاف من تاثيرهم
على ازواجهم واولادهم بان يلتزموا بالاخلاق الحميده وانهم سوف يعملون من الساعه السابعه او الثامنه صباحا الى
الساعه العاشره مساء وبالحجاب الشرعي الكامل ويناشدون الاسر السعوديه بان تشغلهم ) هاه ايش رايكم ؟ تراني امزح
معاكم لكن في الحقيقه هذي الافكار صارت تراود الكثير من السعوديات تدرون ليش لان الرواتب اللي قاعدين تدفعونها
للحيشيات صارت تغريهم اجل صارت الرواتب على خمسه الاف حشا راتب موظف ان االلي ابغى اعرفه هذي اللي يعطونها
ثلاثه الاف ولا اربعه الاف ولا حتى الفين ايش قاعده تسوي زياده عن الشغالات ابوثمنميه او الف كل هذا عشان ما
عندها اقامه طيب هذا السبب المفروض يرخصها مو يغليها لانها هاربه وممكن تكون مريضه وممكن تكون مجرمه لا
والدلع يقطر منها تقطير شيئ يمغص البطن وغير كذا النظافه في وادي وهم في وادي ثاني والله حاله فالشاهد يا طويلات
العمر اني لقيت لكم حل تبغون تعرفون ايش هوه؟ اقلكم.... الحين كل البيوت السعوديه مليانه بنات الله يحفظهم لأهاليهم انا اقول
ما دام ان عندنا الاستعداد انا ندفع من الف وثمنميه الى خمسه الاف فليش ما كل ام تاخذ الفلوس هذي وتشغل بنتها عندها
في البيت واخر الشهر تعطيها الفلوس اللي كانت بتعطيها للشغاله وبنتها اولى بالفلوس هذي من الاغراب وبكذا البنت يكون
عندها اكتفاء ذاتي من الفلوس والام تفتك من طلباتها وفي نفس الوقت تتعلم البنت شغل البيت على اصوله ويكون هذا
الحل لصالح الجميع والله الموفق اللى سواء السبيل
حلاوه مصاصه @hlaoh_msash
عضوة نشيطة
يلزم عليك تسجيل الدخول أولًا لكتابة تعليق.
من قال ان الخادمات وصلن ل5000 >>عساي اخدم روحي اروح اخدم للناس الله لايحيجنا لمثل هالشغله والله لو راتبه عشرين الف صعبه
الصفحة الأخيرة
تصرف راتب للي وصل بهم الحال لخدمة الناس من الفقر
لان الدولة غنية وعيالها اولى بخيرها