البنات اللي الله رزقهم الذرية احتاج جواب الله يخليكم

صباحكم ومساكم كله خيرات حبيباتي

اختكم ومحسوبتكم في الله لها سنتين متزوجه ولسا الله ماكتب حتى العمليات مانجحت الحمدلله على كل حال ،، انا سليمه وكل فحوصاتي تمام وقد تمرخت وعامله حجامه ومغيره نظام اكلي صحي الحمدلله .وممتنعه عن اي ادويه .

بس ودي بجاوب شافي لسؤالي ، اعراض الدوره والحمل هل نفس الشي بالضبط والا يختلف من وحده الي الثانيه والا وشو ودي اعرف حد يصير له مثلي ، انا حتى وقت انتظار التحليل بعد كل عمليه تختلف الاعراض عن الثانيه ،، وهالشي متعب الوحده منا تتعلق بأي امل

انا قبل الدوره ب10 ايام كذا يصير معي كذا ويستمر طول الـ10 ايام الى ان تشرف

غازات ومفرقعات داخل البطن واصوات كلها داخل تفشل خاصه بالعمل احراج

امساك

الم باللثة والاسنان واحيانا تطلع الحبه اللي لونها ابيض داخل بالفم

احيانا حبه بالوجه وغالبا كله بذقني

غالبا الم وشد جهة المبيض اليسار الا هالشهر لاول مره بحياتي :lechz: الحركه الجديده باليمين

كثرة التبول وحرارة بالبول يومين كذا ويروح

ارق او كثرة نوم

اشوي بردانه وارتجف واشوي اصحي شعري مبلل من عند رقبتي واحس اني مخنوقه

طبعا بسبب التأخير تجيني كتمه قبل اسبوع كذا وعصبيه وابكي وعادي اكسر الدنيا بعدين تخف الحاله او حاله زعل وبكي وكل السوالف تطلع في الفقير الي الله زوجي لانه التأخير بسببه

جسمي يسخن

الم بالظهر .. البطن قبلها بس بكم يوم ووقتها

لوعة وغثيان وممكن ترجيع

الام الصدر قليل مره تصير معاي من قبل ما اتزوج ما يألمني بس من فتره لاحظت قبل موعدها يصير زي القشور على الحلمه واعذروني على كل هالكلام

صداع

وجهي يسمر وينعفس حتى الميكب يصير مو حلو زي المتقشر

وممكن يومين ينزل لون خفيف بني ثم ترجع تنزل


يالله وش كثر نعاني .. الله يتقبل منا

سؤالي الوجيه هالاعراض كلها طبيعية ؟؟؟ وهل فيها زي اعراض الحمل ؟؟ يعني لما تصير لي كل هالاشياء ممكن اكون حامل والا اكيد دورة ؟؟ لازم يعني ينتفخ الصدر مع الحمل والا ممكن ينتفخ ويتورم بالشهر الثاني ؟ اسمع اللي يقولون اعراض الحمل كله الم بالصدر ؟ وانا حتى بالدوره مايصير معي هالشي الا نادراً

انا لانه لما تجيني هالاعراض افقد الامل خلاص حتى بعمليتي الاخيره كان لسا بدري على التحليل وقمت ابكي واضرب على راسي وفشلت ولله الحمد .

اتمنى تجاوبني واسمحو لي على الاطاله وادعولي الله يخليكم يرزقني وكل محروم عجزنا خلاص عمري 32 كم سنه عندي علموني الله يخليكم ؟؟؟

وودي كل ما تشوفون عيالكم تشكرون الله وتحمدونه على النعمه وتدعون لخواتكم وربي غيركم يتألم ويدفع فلوس لا تقولون بنت ولد حملت بسرعه ماابي ومن هالكلام اشكروه على طول على هالنعمه الله يحفظ لكم اطفالكم ويجعلهم لكم من البارين يارب :) ويفرحكم فيهم قادر ياكريم