اخواتي الحبيبات
السلام عليكم ورحمة الله وبركاته
بصراحة أنا دائما أتصفح في المنتدى بدون مشاركة لكن عز علي إني أعرف شي وماأساعدكم
وهذه أول مشاركة لي
المهم بالنسبة لخميرة البيرة من وأنا صغيرة بأستعملها لحد دحين لأنها مفيدة جدا جدا سواءً للنحاف أو المتان
أوصافها : لون الكرتون أبيض ويجي مرسوم عليه ولد بس دحين غطوا على الوجه
وسعرها 40 ريال سعودي بتنباع في الصيدليات
في الكرتون 90 حبة يعني بتكفي لمدة شهر
فوائدها : مفيدة جداً للبشرة ولتقصف الشعر وأيضاً لتكسر الأضافر ومع الإستمرار عليها بتحصلي خدودك لونها وردي (اذا كنت بيضاء )
أضرارها : مالها أي أضرار جانبية نهائيا لكن يمكن بتطلع لك بطن (كرشة) صغيرة ممكن إنك تتلافي هذا الشي بشرب شاي أخضر
بالنسبة للأخت اللي بتقول إنها بتنفخ الوجه هذا صحيح لانك لما بتعملي عجينه وتحطي عليها خميرة أكيد إنها راح تتنفخ بس راح تصير العجينة ناعمة وطرية جداً
زي كدا الوجه راح يصير ناعم وطري زي بشرة الأطفال
طريقة أخذها : إذا كنت نحيفة وتبغي تتخني خذيها ثلاث مرات في اليوم بس بعد الأكل
أما إذا كنت متينة بس تبغي تستفيدي منها خذيها قبل الأكل
نتائجها تبان بعد شهر أو أكثر يعني يبغالها صبر