ايش صار عليك عزيزتي .. ؟؟ نقلتي ولا توك ؟؟
على العموم انا ساكنة في الكامب من سنين .. واحب اصحح بعض المعلومات اللي بعض الخوات ذكروها :

النادي ابدا مافيه تصوير ولا كاميرات ولا مراقبة ولا شي وهذا كلام مؤكد 100%
بيوت الكامب ماهي نفس الشي هي تايبات .. العزاب لهم تايبات منها الصغير غرفة نوم وحمام وصالة ومطبخ وفيه اكبر
والعوايل لهم تايبات مرة كثير على حسب عدد غرف النوم وممكن اذا حريصة ومتأكدين يعطونكم بيت عوايل ارسلك المخطط لبعض البيوت عشان تشوفينه ..

واعتبري الكامب مدينه منفصلة .. لان فيها سينما ومطاعم وقهاوي ومستشفى ومكتبة ومغسلة وكل انواع الخدمات .. ومساحته جدا كبيرة لدرجة انك تضطرين ركوب السيارة لقضاء مشوايرك .. وطبعا بامكانك سياقة السيارة اذا كنتي تعرفين ..

الاطفال كل شي موفر لهم من مكتبات كتب وفيديو وغير ساحات الملاعب وساحات مخصصة للهوايات ..
باختصار مدينه متكاملة تكاد تكون المدينه المثالية ..
واي استفسارات ثانية انا تحت امرك ..

انتي تقصدين نجمه الي براس تنوره ولا الظهران ؟؟

نجمه توني كنت فيهااا احلى شي البحر والحدائق والنظافه والترتيب وفيها ملاهي للاطفال تحسين انك برا المملكه

اما البيوت حلوه في ترتيبهاا لكن عيبها انها قديمه مره