انا اشتريت بيت من سنه وكم شهر والحمدلله
اولا انصحكم نصيحه لوجه الله لالالالالالالالالالالالالاتشترون فيلا مشطبه ومنتهيه نوووووووووووووو
اذا فيه مشروع فلل ينشئ روحو وتفرجو عليه قبل مايشطب بالاول
واللي ودها تشتري وبتشوف النصب الصحيح تقولي ادلها على مشروع نصب نصب تروح تشوفه وتتاكد وتاخذ فكره عن شراء بيت جاهز
واللي بيشتري فيلا انا اشبه فلل هاليومين بالحلاوه اللي ماتعرفين وشلون انطبخت بس في الاخير غلفوها بكيس يجنن وزينوها بورده جذابه يعني غش في غش

وانا هذا اللي عملته رحنا اولا درنا الرياض ولاكن للاسف مافيه التصميم اللي يكون كلاسيكي ومريح وعملي واذا لقيتي سعره هاي

المهم رحنا مشروع في شمال الرياض قبل سنتين وكانو توهم يبنون فيه وطالعنا صور للنموذج حق الفلل من المقاول بصراحه النموذج كان مرضي
استعنا بالله وفرينا واخيرا من بين كل الفلل وقع الاختيار على احداهم وكانت مميزاتها كالتالي

اولا
شارعها 20 وواجهتها شماليه وقدامها على الشارع الثاني عمود اناره وهذي ميزه لانه بيريحك من تشغيل الكشافات بالحوش بالليل هههههههههههههه موفره

ثانيا المسجد خلف الفله اللي ورانا مباشره يعني حذفت حصى يعني مافيه تاخير على صلاة الفجر ولا الجمعه وانا اهم شئ عندي المسجد يكون قريب علشان اطفالي

ثالثا اهي الوحيده اللي ديكور فيلتها من الخارج يسمح باضافة قرميد فوق الفيلا وانا كان ودي تكون فيلتنا مميزه من باقي المشروع
رابعا اهي الوحيده اللي كان ملحقها الخارجي لم يكتمل بنائه وزوجي كان وده يكون الملحق سقفه مثلث يعني جملون وفوقه قرميد يعني قرميد فوق الملحق وقرميد فوق الفيلا يعني شكل متناسق جدا

غرفة السائق لم يكتمل بناءها واحنا مانبي سائق ولانحتاجه
المهم استخرنا واتكلنا على الله
دفعنا عربون والفيلا لم تشطب
واتفقنا مع المقاول حق المشروع وعمل لنا التعديلات اللي نبيها
عمل الملحق مثلث وغرفة السائق فتحناها دورة مياه وكلفتنا هالتغيرات مع الصبغ طين داخل الملحق حدود 30 الف وقرميد الفيلا كلف 6000ريال
وطلع يشبه هذا الشكل تمام حتى الحديقه عملتها مع الاضائه


والفيلا من فوق عملت قرميد وصارة تشبه هذي الصوره



ومعلومه مهمه يابنات لالالالالالالالا زم بعد ماتخلصون تجيبون مقاول واللي لقت فيلا مشطبه تروح تجيب لها مقاول شوفو المقاولين حق شركة الصعب والقحيز والعلي ممتازين واذا عن طريق بنك البنك يجيب لكم مقاول يكشف ويثمن الفيلا ويعطيكم الثمن الحقيقي لها قبل ماتتورطون ولازم يشوفون عداد الكهرب يتحمل او لا لان فيه ناس يحطون محولات صغيره وهذا ماراح يتحمل الضغط مستقبلا
وانصحكم شطبو الفيلا بروفايل ماراح تندمون ابدااااااااااا البروفايل افضل من الصبغ العادي لانه مايتشقق طول العمر ولا يحفره نمل ابدااااااااااا وافضل من البلاط مثل اللي بصورة الملحق لان البلاط يركبونه بدون صبغ وفيه مشاريع نصابين والله يركبون البلاط اللي بالحيطان الخارجيه حتى بدون تليس اسمنت واللي ماتصدق ادلها على مشروع تشوف فيه النصب واستغلال الناس والله لو الود ودي اهدم المشروع هذاك الله يعين اللي بيتورط فيه

بيبان الفيلا والمداخل نصيحه لوجه الله خذو شئ مثل هذا بس حديد واصبغوه ورنيش في الاخير علشان الصدا














لان الابواب المشغوله وفيها زجاج متعبه جدااااااااااااااا انا تورطت واللحين افكر بعد فتره اغيرها بس الباب الواحد تكلفته فوق 3000ريال لان الابواب المشغوله هدت حيلي بالتنظيف ويازين غبار الرياض زيناه لاصيف ولاشتاء طول السنه هالابواب تبي تنظيف شبه يومي لن الغبار يتجمع بالارفف وتتعب في التنظيف
مثل هذا الباب الله يعين الغبار فيه يبيله 3ينظفونه كل يوم علشان كذا اقول لكم خذو الساده افضل شئ






الدرابزين على النوافذ ضرووووووووري لو مافيه ركبو الله يعين الواحد قيمته فوق 200ريال عدي كم نافذه عندك
الدرابزين حق الدرج غالي غالي لاتقل قيمته عن 10الاف لدرج من الدور الاول للثاني

بلاط الحوش الخارجي خذو شئ ملمسه ناعم لانه يعطي منظر راقي وافضل وتبين فيه النظافه مثل هذا





وابتعدو عن البلاط اللي يجي كانه حجري هذا شين وقوي عين يمسك فيه التراب وصعب تنظيفه ولاتبين فيه نظافه ولا غسيل

والتشجير لالالالالالالاتكثرون نصيحه مني مع الحر بيتعبك والزهور تموت بالصيف ويصير المنظر كئيب وفي الشتاء وياعيني على الشتاء في الرياض بياكلكم الباعوض بسبب الاشجار الكثيره

الشفاطات ضروري تتاكدي منها الللحين الشفاطات المركزيه اللي تجي بالسقف هي الموضه واريح وعمليه والسخانات تاكدي منها وتاكدي ان سخان المطبخ بالذات خارج المطبخ علشان مايشوه لكم شكل تفصيل الدواليب
والمغسله حبذا لو تكون تحت النافذه تكون انظر وافضل دوراة المياه وانتم بكرامه لالالالالالالازم تتاكدون ان المجرا اللي فيها مافيه حجاره انا اكتشفت ان شركة التنظيف لما غسلو الفيلا نزلو الاحجار والمسامير وكل البلاوي تجمعت في المجارى اللي بالحمامات وكان بيسببون لنا كارثه مستقبليه واضطرينا نجيب عمال نظفو المجاري في 8حمامات الله يكرمكم طلعو زبايل من احجار وتراب واوساخ

المكيفات طبعا الافضل يكون التسليك اسبلت ولازم يكون عندهم ضمان للعزل الحراري والمائي لالالالالالالايقل عن 10 سنوات وبالنسبه لخط 220 ممكن تغيرين خط 110الى 220 جيبي لك عامل كهرباء وبيغيره
ولازم في الفيلا يكون فيه تسليك لطبق القنوات الفضائيه وافضل يكون الخزان العلوي من الزامل او أي شركه عندها خزانات ذات جوده عاليه علشان ماتترسب وتتكون فيها الطحالب
والدينمو ضرووووووووووووووووري ضرووووووووووري يكون لها فيش اتوماتيك يعني وقت الخزان العلوي فاضي اهي تشتغل بروحها تعبي واذا تعبى الخزان تقفل بروحها ضروووووووري هالميزه مهمه لانه لو عندك مكيف صحراوي يشتغل وخلص الماء من الخزان وانتي ماعبيتيه بحترق عليكم الصحراوي ويسوي كارثه بالبيت ولازم تكون اسوار البيت عاليه افضل فوق 3امتار اقل مايصلح لانك بتظطرين تحطين ساتر والساتر غالي الحائط الواحد لايقل عن 5000ريال اذا كان من الخشب اللي نازلين فيه عند شركة ساترولازم يكوف فيه مدخل نساء ومدخل رجال وباب السياره لازم يكون عليه ضمان والريموتات 2والمفتاح علشان تقفلونه في حال حبيتم تسافرون بالمفتاح ضروري والمياه تكون واصلته واسالو اهل الحي اذا مشهور عندهم انقطاع الماء او لا

والانتر كوم ضروووري يكون بكل دور وتسليك التلفون بالفيلا لو كان سنترال أفضل وأريح والتعتيق تفحصيه زين لان فيه تشققات ماتشوفينها الا بعدين وابعدو عن الفيلا اللي ديكوراتها الخارجيه حجر لان فيه حجر مع المطر يتكسر ويتفتفت وتضطرين تغيرين وانصحكم نصيحه شوفو الفيلا بعد مطره جامده لان بعد المطر تطلع الفضايح والنوافذ اللي تخرخر والاصباغ اللي تتقشر والحجر اللي يتكسر

انا اشتريت شمال الرياض مساحة الفيلا 400متر اشترينا بي 800الف بس مع التخفيض والواسطه اشتريناه بي 780الف واللحين العقار غلى وغلى التعديلات اللي سويناها تجيب لنا 900الف بالراحه

وشمال الرياض له مستقبل خاصه بعد مدينة الملك عبدالله اللي راح تكون شمال الرياض يعني ماراح تخسرون شي

هذا كل اللي عندي والباقي يهون وممكن يتغير واللي استفادة تدعيلي على تقريري المطول بس فريد من نوعه :icon28:تدعيلي اجيب تووووووووم اولاد:icon28:

اختصار كلامي اللي فوووووووووووق
خذي فيلا جاهزه مجهزه بالمواصفات هذي وريحي حالك من الدفع والتعديلات من ابواب لبلاط لغيره

استخيري وتوكلي على الله , السعر ممتاز , الاسعار ارتفعت واحنا عندنا في غرب الرياض مساحة 400 م بمليون ومئه وخمسين الف ريال كاش.

بس تاكدي من شباك المطبخ.
والله يكتب لكم الصالح ويعطيكم من خيره ويكفيكم شره.

وزميلتي شاريه ارض في المنطقه اللي ذكرتي (شبيلا) في حدود /200 الف ريال .
استخيري , واتصلي على محلات العقار وشاوريهم بدون ماتوصفين البيت حتى ماحد يخرب منهم عليك.
والله يوفقك.

قيه فيلا يابنات مبنيه للسكن الخاص واعرف مالكها وكان ودي آخذها بس غاليه على !!

مساحتها 750 وعلى شارع 20 وفخمه بالخزامى ..اذا احد يبيها انا ادلها


ملاحظه..تراها فوق مليونين ونص ماادري اكثر

الله يوفق الجميع ..ويجعلها منازل مباركه يا ارحم الراحمين ...اختي ام المجد سعوديه .,,,انتي ماخذه من فلل العلي؟؟؟؟؟؟؟؟؟؟؟؟؟؟؟؟