وينكم بنات عطونا وجه

بالنسبة للاسعار نار ..............شريت بيت مساحتة 375 من شهرين ب 810000 ريال .

مرحبا حبيبتي ساحليه مبروك عليكم البيت الجديد والله السعر غالي بالنسبه للمساحه لكن برضه يعتمد على الحي اللي فيه
وانا قلت قبل شهرين فعلا الاسعار كانت نار لكن الان هدت شوي
طيب ممكن اسال سؤال بيتك وين شريتيه وانشالله يكون عاجبك يليت تفيدينا من خلال تجربتك

اهلين يابنات ابي رايكم اليوم لقينا بيت مره روعه تصميمه وبناه وتشطيبه ممتاز صاحبه بانيه لنفسه مساحته 420 على شارع 15 قيمته 845000 لكن فيه الملاحظات التاليه
1-المطبخ مافيه شباك لان فيه عمود في الجدار اللي يطل على الحوش لكن ممكن فتح شباك عرضه متر بجانب العمود من جهة اليمين واحتمال امكانيه فتح شباك من الجهه اليسرى للعمود طبعا هذا احنا اللي نسويه لو شرينا لان المالك رفض يجري اي تعديل ويكسر من جديد وعلى فكره المطبخ فيه باب يطل على الحوش ومراوح شفط بالسقف هاه وش رايكم
2-البيت مقابله تماما مسجد صلوات مو جمعه وش رايكم
3- جنب المسجد من اليمين حديقه
4- جنب المسجد من اليسار مستوصف
ابي ارائكم بسرعه حبايبي اليوم لان ممكن يبيعه واللي عندها زوجها اواي احد يفهم في هالامور يليت تسأله وتساعدني انتظركم لا تخلوني

مرام وين مكان البيت

وكيف التصريف وعدد الغرف

انتو بس تاكدو من حكاية فتح الشباك من مهندس اول وبعدين قرروا
وهل فيه سيراميك ومطبخ راكب وحمامات

بصراحه مادري اذا السعر معقول لاني ماعرف الموقع
اعتقد اهم شي الملاحق العلوية والمخزن الواسع
مممم وش بعد
والله ودي اساعدك

الله يسهل اموركم والله كاتبه ربي بيصير