البنات اللي على حساب وزارة التعليم الله يخليكم لاتردوني ....

اهلين ام دانه اذا انتي تقصدين البعثه حقه وزاره التعليم العالي
فهي زينه يصرفون الرواتب طبعا كل شهر والرواتب كويسه ومستحيل انه تنقطع و على حسب الاسره اذا انتي وزوجك بس او عندك اطفال طبعا بس يزيدون للي عندهم طفل او طفلين وطبعا الراتب يكفي بيت وكل شي يعني يعطونك راتب وانتم اللي تدفعون اجار البيت وباقي الاشياء عادي يعني كانكم بالسعوديه وكذلك يامنون للزوجه دراسه لغه واكيد طبعا مصاريف دراسه زوجك كلها واذا احتجتوا لمستشفيات خاصه وطبعا التذاكر السنويه لزياره السعوديه
اما بلنسبه للتقديم ما ادري والله وسالت زوجي وقال ماادري لازم تذكر لنا بعض المعلومات وانشاالله نفيدك:26::26:
اتمنا اني مانسيت شي:16::16:

تسلمين الله يسعدك ان شاءالله لانو أحنا بنقدم عليها وخايفين تطول مرررررره عبال ماننضم جزاك الله الف خير حبيبتي ..

انا بعد ابغى اسال...

انا طالبه جامعيه متخرجه من جامعه الملك سعود قسم تغذيه ...

وابغى اقدم على ماستر وزوجي يكون مرافق وبعدين يقدم على دراسه..

لأن زوجي مو ظف حكومي وما يرضون يعطونه بعثه ...

فهل صحيح اني اذا قدمت راح يقبلوني حتى لو زوجي موظف؟؟؟

وابغى اسال عادي اقدم وانا لسه ما خلصت الامتياز يعني التدريب حقي؟؟؟ انا مدة تدريبي ان شاء الله سنه .. ابغى اقدم الحين على ما اخلص امتيازي يكون طلعت البعثه؟؟

بس محتااااااره هل الي جالسه اسويه صح والا لأ ؟؟

يعني ممكن يقبلوني وزوجي موظف؟؟

ممكن اقدم وانا لسه ما خلصت الامتياز ؟؟

هل اذا قبلوني بالبعثه اقدر احط بنتي في حضانه وهم مسؤولين عن دفع رسومها؟؟

بالنسبه للحضانه نصييييييييحه جيبي شغاله معك الحضانه اول بهذله وغاليه
وعلى مااظن انهم مايسمحون الا يومين في الاسبوع ومددري هل النظام في كل الجامعات
لكن مايدفعون رسوم

مرحبا om-danaa انا صراحة بعثتي الى امريكا لذلك مااقدر افيدك
بس ان شاء الله يفيدوكي الاخوات هنا :27: ..


اما بالنسبة الى الاخت زوجة وأم ..
اذا انتي تنطبق عليك الشروط طبعا هذا اول شي
تقدري تقدمي ويكون زوجك مرافق حتى لو هو موظف حكومي بس طبعا ياخذ اجازة من دون مرتب !!!
او اذا اهو ودي يكمل دراسة هناك ويبغى يطلع من الشغل يقدر يستقيل ويكمل اجرائاته وينقبل البعثه اذا كانت منطبق عليه الشروط طبعا ً ...

- بالنسبة للامتياز ممكن انك تكملي وعلى ماتخلص اجراءاتك يمكن تكوني خلصتي امتياز !!
لكن في شغلة ثانية تقدري تشوفي جامعات هناك تقدري تاخذي التدريب عندهم
وحدة من قريباتي عملت كذا بدأت بالتدريب بعدين جاتها البعثه وعملت اتصال بالمستشفيات هناك وافقوا عليها وقالوا اوكي وراحت هناك تتدرب !!


- بالنسبة الى بنتك طبعا الحضانة مكلفة جدا ً ..
ولكن ممكن مثل ماقالت اختي roro6 تجيبي معاك شغاله طبعا اذا كانت عندكم شغاله وبأسمكم ممكن تستدعوها لما تروحوا هناك ويوافقوا انها تجي عندكم مافي اشكالية هذا شي ..
او انه لما تروحي هناك ان شاء الله ربي يسهل عليك ويمكن تلقي مجموعة كويسة وعندهم اطفال وتتفقوا انه تجي وحدة وتمسك اطفالكم ويكون راتب اللي راح تمسك اطفالكم مقسم فيما بينكم طبعا هذا اوفر لكي ولهم ..
هذي المشورة قالوا لي عليها الاخوات هنا بالمنتدى .. مع انه انا ملقيت ولا وحدة مش مجموعة بعد :D .. بس الحمدلله فرجت فرجاً مؤقتا ..


- او ممكن بالنسبة الى بنتك اذا انتي راح تدرسي ماستر ترى الماستر دراسته اغلبها مسائي وكم يوم بالاسبوع يعني مرة قليل وقتها لذلك ممكن مثلا زوجك يتعاون معك في هالموضوع !! انه مثلا بالمساء تروحي تدرسي هاليومين واهو يمسك بنتك وتنحل القضية ..

بس نصيحة لك اذا انتي لك رغبة كبيرة في هالبعثه وزوجك ايضا واهي تناسب وضعكم لاتفكري بهالامور بهالتعقيد هذا ترى كل شي ينحل في وقته
انا كنت بالبداية مثلك قبل مااجي افكر في كلللل شي وتعبت
بس بعدين اتكلت على رب العالمين وقلت دام انا ودي في هالبعثه وزوجي ايضا وودنا نكمل دراسات عليا خاصة انه هالبعثه ماتتكرر كل سنة والتكاليف للدراسة هنا مرة غاليه لذلك هذي فرصة مرة كبير لذلك راح نواجه كل عقبه امامنا ونحاول نحلها لانه احنا رغبانين بهذا الشي
لذلك لازم تواجهنا بعض الصعوبات بس بالاتكال على رب العالمين وبالتعاون انتي وزوجك تنحل كل الامور :27:

وبالتوفيق يارب
واذا احتجتي اي شي اختي لاتترددي ...احنا في الخدمة :27: