البنات اللي عندهم تكيس او مشكلة في الهرمونات يتفضلون ضروووري

السلام عليكم ورحمة الله وبركاته
اشحااااااالكن يا حلواات شخباااركن وشو الرجيم وياكن .,,

بنات انا حبيت انزل هالموضوع عقب زيارتي للطبيبة لان دورتي كانت ملخبطة
والدكتورة ما شاء الله عليها فنانه وحريصة وقالتلي اول سبب لمشاكل التكيس
والهرمونات هو الوزن الزايد .. سألتها يعني هل كل وحده سمينه او زايد وزنها
تتاثر بهالشي قالتلي لا وهذا يعتمد على نوع المبايض وقوتها وطبيعتها بس اللي
عندهم قابليه للتكيس او لخربطة الهرمونات يتاثرون اول شي بالوزن ..

ثانيا طبعا هي قالتلي انزل وزني عالاقل 14 كيلو ههههههههههههه قالتلي اذا ما نزلتي
تعالي عندي وانا اتعارك وياج واخليج تنزلينه غصب وتذكريني عند كل لقمة تحطينها في حلجج
هههههههههههه حشا عقاب ونزل علي :icon33: ويوم تنقصين وزنج تحلين 98 % من مشاكلج
ويا التكيس او الهرمونات والباقي عن طريق الادوية اللي تنظمهم ..

المهم قالتلي كلي وااااااااايد سمك لانه افيد شي وابدا ما يزيد الوزن في بيتنا كل يوم سمج
بس الله يهدينا محد ايي صوبهم المساكين تقول هالسمج مسوين جريمة :42:

هيه وقالت اللي يسوون رجيم لازم يركزون عالبيض المسلوق وياكلونه عالاقل مرتين في اليوم
لانه مصدر مهم للبروتينات والبروتين مهم لتقوية المبايض مع الكثيييير من السلطة عالغدا..
وافضل طريقة لانزال الوزن هي 5 كيلوات من فترة لفترة يعني اللي وزنها مثلا 80 اول شي
تنزله لـ 75 وبعدين ترتاح اسبوع مثلا بس ما تاخذ راحتها وتخرب كل شي
وعقب اسبوع ترد تنزل لين 70 كيلو وجذي لين توصلين للوزن المطلوب .,,

وووووبسسس هاللي اتذكره المهم يا بنات اعتقد الحين عرفتوا شو عدونا الاول الوزززززززن
انا نازلة 4 كيلوات ولله الحمد بس قالتلي انزل بعد 14 :icon33: شو تتريون يالا سووا
رجيم ونزلوا عاد الدكتورة ذبحتني وهي تقولي لازم تستعدين للزواج والحمل عادت هالجملة علي
عشرين مرة وانا اقول بس خلاص ترا والله محد على بابي خخخخخخخخخخخخخخخخخخخخخخ

المهم اسمحولي هذرت وايد شكلي بس حبيت افيدكم لاني احبكم ولان كلنا بالهوا سوا

ادعولي يا بنات انحف وتنحل كل مشاكلي .,. :angry: