البنات اللي ماتزوجوا يجون ضروري.. عندي الحل باذن الله

مرحبا بنات
بعضكم زعلانات لانهم ماتزوجوا وبعضكم تقول كبرت وما انخطبت
اولا كل شيء بيد الله
وتأكدي انك بنعمه تحسدك عليها كل وحدة تزوجت وتبهذلت
ونصيبك ان ما جاء اليوم بيجي بكرا باذن الله
واذا ما جاء فاكيد خيرة لك


ثانيا اقرأي سورة البقرة يوميا.. سامعين بنات؟ يوميا
خلصيها بجلسه وحدة.. تاخذ منك 45 دقيقة
هذي اوصيكم فيها من تجربة شخصية


ثالثا وركزوا معي بثالثا بقوووة
لا تجلس وحدة مسكره على نفسها باب الغرفة وتبي تنخطب
لا حبيبتي
تحركي وخالطي الناس.. قولي للدنيا: انا هنا
اذا عاطله توظفي او كملي تعليم
اذا ماقدرتي تطوعي بأي جهة خيرية
اذا مالقيتي اعملي لك دورية مع بنات الحي
او سجلي بتحفيظ قران او خذي دورات كل شهر دورة
غيري وسطك ومجتمعك وطوري نفسك وشخصيتك
تعرفي على ناس جدد.. عائلات جديدة.. بنات جديدة..
خلك اجتماعية ومرحة وطيبة ومضيافة وابتسامتك عريضة
قدمي نفسك الحلوة لكل الناس
اعرضي عليهم خدماتك.. ذوقيهم طبخاتك الحلوة..
وبتفتح لك الدنيا ابوابها باذن الله


الناس ماتبي وحدة مكشرة ومعقدة وانطوائية وماتعرف تتكلم
يبون اللي شوفتها تشرح الخاطر وطلتها تعطي ايجابيه وابتسامتها ملازمتها


سوي كل اللي قلت لك
ولا تفكري ابدا تعرضي نفسك لاحد بشكل مباشر او حتى تلميح
عزي نفسك وبنفس الوقت خلك مرحة وهينه ولينه وحبيبة نفس
وان شاء الله هالصيفية نفرح بزواج كل خواتنا العازبات بعالم حواء :)