البنات اللي ما انقبلو في الجامعات عندي لكم ثلاث فرص للقبول ..لاتخسرونها

هذا الموضوع لقيته في المنتدى الاكتروني الموحد لجامعات الرياض للأخت<< أوفى البشر>>:26: الله يسعدها دنيا وآخرة وينور بصيرتها ويفرج همومها زي مانورتني وساعدتني بتوجيهاتها ومن باب حب الخير لأخيك المسلم واكيد في مثل اختي كثير محتارين قلت خلني انقله لمنتدانا الحبيب عشان يطلعون عليه الي محتارين زي اختي والله يوفق الجميع
السلام عليكم ورحمة الله وبركاته

انا سألتني احدى الاخوات وكانت ما انقبلت في جامعات الرياض

سألتني عن الفرص المتاحه لها ..

وأجبتها ....


ومن باب حب لاخيك كما تحب لنفسك ومن باب المؤمن اخو المؤمن

حبيت اكتب لكم رسالتي لها عسى ان تفيدكم بشيء ..


شوفي عندك ثلاث فرص للقبول

الفرصه الاولى
النظام الانتقالي جامعه الملك سعود
أيش هو هذا النضام

هو انك تدرسين سنتين في كليه خدمه المجتمع
التابعه لجامعه الملك سعود واذا جبتي معدل فوق 2 تقدرين تحولين لجامعه الملك سعود في عليشه وتصيرين مثل طالبه من طالباتها
وتاخذين مكافأه طبعاً في كليه المجتمع للاسف مافيه مكافأه
ولما تحولين تصيرين مثل اي طالبه في عليشه
ويكتب في ملفك ان خريجه من جامعه الملك سعود ..
وتقدرين تحولين اذا جبتي معدل 4.5
من الترم الاول يعني تدرسين ترم واحد وتجتهدين ويقولون انهم متعاونين وتقدرين تجيبين في هاذي الكليه معدل حلوو
اما عن التخصصات اللي فيها هي
كل التخصصات اللي في جامعه الملك سعود
قانون ..علم نفس ..تربيه خاصه ..رياض اطفال
اداره اعمال . محاسبه .تعليم ماقبل المرحله الابتدائيه ..ووووالخ

والتسجيل فيها الكتروني وراح يبدأ ان شاء الله
ناس يقولون في واحد رمضان وناس يقولون في خمسه رمضان ما ادري بس خليك متابعه لمنتدى جامعه الملك سعود
كليه خدمه المجتمع
الرابط http://www.cksu.com/vb/f27/
وهذا رابط التسجيل بعد تفضلي ..
http://w1.ksua-admit.net/Default.aspx

لاتلتفتين للكلام المكتوب تم الانتهاء من الترشيح هذا حق عام 1430 هـ


وفيه فرصه ثانيه بعد

الي هي الدفعه الاحتياطيه في جامعه الامام
كيف التسجيل فيها
عاد اسأليني انا ..خبره فيها
ثلاثه من صديقاتي انقبلو فيها الحمدلله
واللحين بأذن الله اربعه راح يسجلون بنفس الطريقه وحده منهم بتروح بكره ان شاء الله
يوم 23 ثمانيه
وبعلمك وش صار لها ان اشاء الله
الطريقه هي

تخلين احد من خوانك او ابوك او اي احــد
يروح جامعه الامام حقت الطلاب
قســـــم عماده القبول والتسجيل
ويعطيهم ملفك وراح ياخذونه ان شاء الله
وتطلع الاسماء قبل الدراسه بأسبوعين
ويقبلون ناس كثير نسبهم نازله
والله ماشاء الله عليهم جامعه الامام محد يسوي كذا مثلهم
وقلت لك ثلاثه من صديقاتي انقبلو وقريت اسمائهم بنفسي ..والطريقه هاذي عرفتها السنه اللي فاتت من منتدى جامعه الامام ومن صديقاتي اللي راحوا
ولما تنزل النتائج تطلع في الجرايد الالكترونيه (الرياض ) وتطلع في موقع جامعه الامام وفي منتدى جامعه الامام
وفي كثير من المنتديات ..
وشوفي كم الاسماء اللي انقبلو هناومنهم صديقاتي

http://www.imamu.edu.sa/news/Pages/n...09-1430_1.aspx
مكتوب تحت في نهايه الكلام اضغط هنا
اضغطي وشوفي الاسماء

تخلين اي احد يروح يودي ملفك في رمضان
وكنت اقرى هذا الكلام في منتدى جامعه الامام
السنه اللي فاتت ان اغلب اللي سجلو راحو في رمضان وانقبلو وبدون واسطه بعد
عشان كذا انصحك تروحين في رمضان متى عاد ما ادري اتوقع مافيه وقت محدد لان فيه ناس رايحين شهر عشره وانقبلو
والاوراق المطلوبه هي :
شهاده الثانويه واربع صور منها
شهاده حسن السيره والسلوك وثلاث صور
نتيجه اختبار القدرات وصورتين على الاقل
تطبعينها من المركز الوطني للقياس والتقويم
صور كرت العائله ثلاث نسخ ..

وزي ماقلت تنزل النتيجه في شهر عشره قبل الدراسه بأسبوع حتى لو تأخرت لاتخافين تابعي قوقل كل شوي
وترى يسمونها الدفعه الاحتياطيه
واذا شفتي الاسماء لاحضي جنب اسم الطالب تاريخ المراجعه يعني يراجعهم في تاريخ كذا وكذا
والتاريخ متأخر شوي يعني لاتستعجلين وتنتضرين توصلك النتيجه بسرعه


وفيه فرصـــــه ثالثه

اللي هي الانتساب في جامعه الامام

وهذا ردي لاحد الاخوات عن الانتساب في جامعه الامام فضلت احطه لانه شامل

في جامعه الامام نوعيــــــــــن من الانتساب

1- أنتساب مطور

2- أنتساب تقليدي

وكلها لازم تدرسيــــــــن قبلها دوره تأهيليه مدتـــها تــرم واحد ورسومها ثلاثه آلاف ريال

وطريقه دراستها على النــت ..وفي وقت الاختبارات تختبرين في الجامعه ..أو في مراكز اختبارات

.............................. .........................


لما تخلصيـــن الدوره التأهيليه تختارين أحـــد انواع الانتساب سواء تقليدي او مطور ..


الانتساب المطور ..تدرسيـــن على النت ورسومه الفين وخمس ميه ريال2500.

وتخصصاتها (..شريعه ...دعوه ... أداره أعمال .. أقتصاد ..)
ادراه اعمال واقتصاد ماتقدرين تحولين الا بعد مرور ثلاثه اترام على دراستك
ويشترط للتحويل معدل 3.75
وهذا الشرط صعب صراحه

اما الدعوه والشريعه تقدرين تحولين من الترم الاول والمعدل المطلوب للتحويل هو 2.75
يعني تقدرين تحولين بسهوله مايحتاج تجتهدين بس جيبي تقدير جيد
هل هذا صعب ؟

وتخصص الدعوه اسهل من الشريعه
والاختبارات راح تكون صح وخطأ اوا ختياري
يعني سهل تحلين الاسئله وتتفوقين فيها كمان

أما الانتساب التقليدي مجانـــاً ..وطبعاً معروف تذاكرين في البيت وماتدرسين الا في الاختبارات النهائيه

وتخصصاته ( أصول ديـــن ..ولغه عربيـــه )

واذا جبتي معدل مرتفع تقدرين تحوليــن أنتضام وتاخذين مكافأه وتكتب في شهادتك انك انتضام

بس اذا مضى على شهادتك الثانويه أكثر من خمس سنوات ماتقدرين تنتضمين ...


ملاحضه : بعد الدوره التأهيليـــه يقبلونك انتساب على طول يعني مافيه مفاضله وناس تنقبل وناس لا ..


كل اللي يدرس دوره تأهيليه ينقبل انتساب على طووول ..

وهذا موقع التسجيل
http://www.imamu.edu.sa/support_dean...s/session.a spx

واذا عندك استفسارات ادخلـــي على منتدى الجامعه راح يفيدونك عن مواعيد التسجيل وغيره


في النهايه اتمنى لكم التوفيق والسداد يارب

تحياتي للجميع
منقول للأخت اوفى البشر الله يوفقها ويسعدها من المنتدى الاكتروني الموحد