البنات اللي مستنين الحمل تعالو نتسلى اللين يتم الحمل

يا بنات كل شوية وانا اقرا مواضيع تحزني على نفسي
اللي تقول يا بنات الشهر الأول والثاني تعالو نتسلى .
واللي تقول يا بنات السادس .
واللي تقول يا بنات التاسع .
واحنا اللي قاعدين نستنى الحمل ماحد يقلنا تعالو نتسلى .خخخخخخخخخخخ
ترى امزح معاكم الله يتمم على كل الحوامل ويرزق كل محرومه ااااااااااميييين يارب.
بس كنت حابه احط موضوع لكل اللي تاركه موانع الحمل عشان تحمل ولسا ما اراد الله .
يعني انا مثلاَ عندي ولد وبنت وتاركة الحبوب من اربعة اشهر ولسا ما تم حمل ما ادري ليش.
وكل شهر اقول الله يستر اتمنى الحمل ولما تتأخرالدوره اقول يارب ليتني حشيت ضرسي . ليتني اهتميت في بشرتي ليتني وليتني وليتني .............
يعني يا بنات خلونا من اللحين الين يتم الحمل نسوي شوية ترميمات وتعديلات على انفسنا نتسلى يعني اللين يكتب الله الحمل لنا ان شاء الله . لان لو تم الحمل واحنا ملشلشين و مبهذلين سواء اسناننا او بشرتنا او حتى فقر دم او اي شئ ثاني ممكن نتعب كثير في فترة الحمل .
عشان كذا خلونا نشجع بعض للأهتمام بأنفسنا قبل الحمل .
ويالله اللي بعدي تقول اش اللي محتاج يترمم فيها واش ناوية تسوي من تعديلات
لنفسها قبل الحمل .عشان كلنا نستفيد . ابغى الكل يشارك منها نتسلى ونضحك ومنها نستفيد .