بما اني احب عطورات النظافه , فكنت اغوغل عن عطر يستاهل من ضمن مئات المواضيع بالنت اللي يقومون البنات بنشرها , بصراحه كل ما اروح محل واطلب اسم العطر , اشمه واصاب بخيبة امل:mad: ! الله يسامحهم بعض البنات ( طبعا اتكلم عن شكل عام عن بحث غوغل مو عن منتدى حواء اللي استفدت منه كثيرا بكل صراحه ) اللي ينقلون عن منتديات اجنبية اسم لعطورات نظافه او يتناقلون من منتديات اخرى مواضيع وينشرونها من دون ان يكون لهم اي خلفية ولا تجربة بالعطور , فيخلون من يقرا - مثلي - يتعنى ويروح مشوار وبالاخير ما يستفاد شي ! المساله مو مسالة ذوق , بل واضح جدا ان مثل هذه المواضيع نقل والا اش جاب عطر ليلك والا برتقال لرائحة صابون لوكس !!!!
المهم , قرات موضوع بمنتدى كويتيات- لازم اذكر لان هذي من الامانة - البنات هناك وصفوا عطرين , وطلعت ريحتهم بالفعل ! واحد صابون بالضبط ! والثاني ريحة البياضات والهدوم المغسوله
اذا وحدة تعشق موت ريحة صابون الغسيل بس منعشه ومحببة وهالسوالف فماعليك الا انك تشتري
:26:
برادا ميلانو
اللي لونه اخضر فاتح , تحسين انك لسه طالعة من الغسيل ! نظافة بنظافة وانتعاش مثل فقاعة الصابون !!وفي منه طقم كريم وشاور جيل
اما اللي ريحته ريحة البياضات - من اسمه - والهدوم المغسوله ومنشورة تحسس بنظافة الشخص ونعومته فهو عطر وايت لينن من استي لودر بس انتبهوا ! القديم مو الجديد
وفي عطر شبهه بالضبط نفس العطر مافي اي فرق ! بيوت الازياء يقلدون بعض , اسمه شيرير 2
وبما ان الناس اذواق , في عطور ريحتها فعلا صابون غسيل على تايد وبرسيل ! ولها جمهورها ايضا بس انا شخصيا حسيت انها شوي تكتم , هذا عطر صوابين الغسيل من كلوي
وهذه مجموعة من محلات هيلث اند بودي وورك , بزهرة القطن , رائحتها قطن خالص !!!كانه قطن خام لسه جديد شارينه من المصنع انا ما عجبني منهم الا المطهر ريحته معقوله نظافه فاخذته
اما الاسعار فالحقيقة ما اذكر ,
بنات : انا استفدت من بنات غيري فالقاها مو معقوله اعمل مثل كثيرات اقول ما احلل اللي تدخل والا اتشره ليه ما ترفعين موضوعي ! مو من اخلاقنا ابد وما اعرف ليش هالافه -اللي هي المن والاذى - انتشرت للاسف بيننا ! احيانا صعب البنت ترد او اهي بكيفها يمكن نفسيتها بهالطريقة :) ما تعبّر , لهذا ما يبقى سوا التمني ان هالمويضيع يعجبكم ويلاقي رضا وترحيب لمحبات الصوابين والنظافه,,, اذا اذا كلمة او دعاء عاد انتوا وبكيفكم ههههههه , وانا اتمنى للجميع طولة العمر والسلامه:26: