اخواتي , كنت اقرا دائما تعليقات الاخوات بخصوص العطور ذات الرائحه الصابونيه انهم يمدحون زهور الريف وبالاخص العطرين نبتون , فقررت اني اشمه , حييل صار خاطري فيه , وايضا قرات بعض الاراء اللي وصفت ريحته بالقوية اللي تسبب صداع وفي اراء اخرى فضلت عليه عطر هيربل
المراد , مافي وايد معلومات عن زهور الريف بالنت , وصوره احيانا مو واضحه ! فقررت اشد الرحال الى اراض زهور الريف وانتقي لي منه ما يناسبني
وعن طريق النت وجدت ان المكان اللي راح يشرح نفسي واقضي فيه وقت جميل بالاضافه الى التسوق هو مجمع الكوت بالفحيحيل
وصلنا مجمع الكوت , بالفحيحيل , واحب انوه ان الكوت هو من اسماء الكويت القديمة , ويعني ( حصن) يمكن سمعتوا بالكوت دازور بفرنسا , لان الحصون تبنى عادة قبالة البحر , وتصغير كوت هو ( كويت) اي الحصن الصغير , مثل بيت وبويت , وولد ووليد ... وتصميم المجمع كان على شكل حصن ايضا بمنارات
ادري طولتها ما صارت عطر :) .... بكل صراحه الشاعرية اللي لفت المكان تخلي الانسان يتفاعل:32: , برغم برودة الجو وزخات المطر لكن الزوار ابوا الا ان يجلسوا في المقاهي الخارجيه مستمتعين وكل في حاله , بهذا الطقس الشتوي الجميل ,على بحرة طويلة , وبقرب مارينا صغير , فيها قوارب متصل بالبحر
رحت لمحل زهور الريف واكتشفت انه اسمه هو le verger -shop , معناتها بالعربية : البستان المراد , طلبت من الموظف ان اشم عطر نبتون , فعلا ! وصف البنات صحيح ريحته ريحة صابون اليد مثل لوكس وامبيريال !! فقررت اشتريه
شميت هيربل ايضاصابوني لكن , لمن برد , حسيته عطى على معاجين الحلاقة الرجاليه ! بالنسبه للعطر , اما الكريم فريحته كثير مقاربه لنبتون
ايضا عجبني زنبق الوادي , رائحته مثل رائحة شامبو هيربل اسنس فاخذت منه , وفي عطور فواكه وورود رائحتهم عطرية فواحه كثيرا لكن بالنسبه لي ابتعد عن الكريمات لان جسمي حساس ومو اي كريم استخدم
في نصيحه صغيرونه للبنات : اذا تعانين من جيوب انفيه او صداع , رشي على ملابسك مو على جسمك , ولا تزيدين تركيز العطر هو مركز وخالص , او استخدمي كلونيا اطفال
وجذي انتهت رحلتي لزهور الريف :) واترككم مع كم صورة لمجمع الكوت اللي يفتح ابواب حصنه مهلل مرحب بالزائرين
وكالعادة انا ما اشره على اي عضوه تمر مرور الكرام ولا اقول مثل عضوات للاسف ما احلل !! وتمن وتاذي غيرها اللي يبتلش يدخل موضوعها , لاني اتفهم ان كل وحده لها نفسيتها وطريقتها بالتعامل , فاذا حابين تسجلون بصمة مروركم اكيد بتسعدوني:)
واذا لا ايضا اهلا فيكم مية هلا
وسلامتكم :):26:
