انا كل اسبوع في بدي شوب بس على فكرة اغراضهم وايد حلوة وانصحكم بمقوي الاظافر هو علبته صغيرة مدورة ولونها بيجي ومن جد تقوي الاظافر عن تجربه وبعد تلقين حلوعندهم االصابون الملون عندج الفروالة و اليوسفي و الباشن فروت و العنب اه يالعنب ريحتها عنب طبيعي انا اغسل فيها يدي وتصير ريحتها عنب تهبل كل اشوي اغسل ايدي ههههه ريحتها فرش وكول المهم ما اطول عليكم الافريكا سبا رهيييييييييييب وليفة الظهر حلوة و من الميك اب عندهم الارواج حلوة عن تجربه شخصية مومثل بعض الماركات تقشر الشفايف لا هاي تحسين ان ملمس الشفايف ناعم وياها وعندهم بلشرات حلوة وفراشي الميك اب وعطورهم الصغيرة حلوة يعني حق عطر يومي او بعد الحمام يعني روايحها مو قويه بالعكس حلوة وخفيفة وكولكشن اوشن صابون وديودرنت و عطر صغنون وبدي مست اتوقع انا عندي العطر والصابونه بس ريحه حلوة انتعاش ذاك اليوم غسلت ايدي بصابونةاوشن كنت اول مرة اجربها ونسيت ان غاسلة يدي بهالصابونةوقمت افكر ياربي وش هالريحة العجيبة من وين يوم افكر و افكر تذكرت ان غاسلة يدي باوشن ........ تعبت................... سوالفي وايد.............
المهم انا حبيت من عندهم اللمعه وكريم تنشيط الوي اللي على توت بري و ميك ابهم ناعم للي بشرتها مافيها عيوب انا مااحب كونسيلرهم احسه ثقيل وايد بس امي تحبه وماتستغنى عنه يعني يلوق على ناس وناس المهم واحب بعد الشاور جل بس للامانه البدي مست الجديد ماشريته بس جربته ومسوينه مع زين يعني ريحته تبقى لان الزيت يبقي الريحة وووو الشدومالهم بس الاخضر عجبني اما الباقي ماعجبوني كلش يطلع اللون على الجفن كلش غير ومو حلو بااااااااهت املح يعني وووو اذا تذكرت شي برجع اقولكم وسلامتكم

مرحبا بنات..
انا مجنونه بودي شوب..
مررره احب اغراضهم
..اشياء الجسم استخدم ليفتهم الي على شكل قفازات..و بعد كريم افريكاسبا بزبدة الكاكاو..
و المرطب الي استخدمه بالليل كريم الجزر منهم بعد..و عندي بعد مرطب الشفايف بفيتامين هـ
..و هذا الي قالوا عن البناتlip butter
انا يقشر شفايفي بس احب طعمه و ريحته
..
اما المكياج..نص بودي شوب عندي..
اساسهم خفيف و ناااعم يشبه كولور ادابت حق ماكس فاكتور اناا احبه..
ارواااجهم مررره كويسه ولا تقشر اببببددددد..
عندي كرات بلمعه ورديه مررره تجججججججنن تخلي شكلك يهبل..
احب الشدوهات حقاتهم الي فيها لمعه..تعطي مظهر حيوي و الوان عندي تفاحي و وردي و ذهبي..الذهبي يجنن و ينفع تحت الحاجب بعد..
و فيه بعد عندي علبه فيها اربع مربعات و هذي عندهم منها اشكال و الوان بس كويسه..ناا احبه لاني مااحب المكياج الي تو متش..يمكن يعجب البعض بس انا ما يعجبني..
..
فرشهم مررررره حلووووووه...
البلاشر و البورده ما عندي فكره
..و فيه عنهم هذا الاضاءه الجديد بلونين برونزي و ابيض..
الجليتر بعد يجججججججنن..ينفع حتى للشعر..مع شوي سبراي يمسك..
ما انصح بالكونسيلر حقهم...مرره ثقيل..
و لا القلوسات الجديده ممرررره تدبق..و تلزق..
هذا الي عندي اللحين ..و لو اكتشفت شي جديد بعلمكم.

أنا أستعمل البودرة المضغوطه والبلاشر روعه من بودي شوب واللمعه تحت الحاجب والفرش أحسها أرخص من غيرها من الماركاات الاخرى وتعطي نفس النتيجه

منتجات الجسم كلها حلوة خاصه اللي على مسك واااااااااو حدها
الميكأب الاساس مالهم خفيف يبيله بشره صافيه
البودر المضغوطه 3 في 1 حلوة بس الوانها ماتناسب كل درجات البشره يعني اضطريت اخذ لون اغمج من بشرتي وخليته لما اسوي ميكأب برووونز استعمله
اللمعات اللي تحت الحاجب فضييييعه عندي لؤلؤي وذهبي (روعه) و وردي واخضر فاتح ايننووووون
البلشرات حلوة عندهم وردي فاااااااااتح حده طبيعي
الغلوسات مو حلوة الوانها خفيفه برعه تروح
الحمر الوانها حلوة بس تقشر شفايفي
المحددات مالتهم اتييييييييييينن الوانها فظيعه خاصه clover pink
كونسيلرهم القلم مو زووود
الشدوات مو حلوة باهته
الشدوات اللي بعلب اتينن روووعه خاصه الي درجات البني والبرونز
عندهم lip&cheek stain فظيييييييييييع احطه على خدودي وشفايفي يعطي تورد طبيعي ولا كأني حاطه شي جني من الله خدودي وشفايفي ورديه بس لازم تكون الشفايف فاتحه عشان يبين عليها طبيعي
والزين مهما تاكلين او تنامين او تمسحين ويهج بإيدينج مايرووووووح اللون

والله الله يعطيكم العافيه وناطرين البقيه وياليت اتحطون لنا ارقام الحمره

تبون الصج اللي صج ميته عليه انا فرشاة الشدو بس مصيبتهم حيل غالين تقريبا الوحده بـ 3.750 او اكثر واذا ابي مجموعه فراشي رحت فيها

على فكره الحين حاطين علبه فراشي للشدو بس قصيره واضعف من العاديه جربتوها ولا لا

والسنفره مالتهم حلوه ؟ يعني اتفتح ؟

مره انا اشتريت لرفيجتي مجموعه للحمام بريحه الفراوله لوشن وسنفره وجل وصابونه مرطبب للشفايف وبعد جم شغله وهم كان حلو

صج ما اشوف احد تكلم عن مسكرتهم ؟ ولا كحلهم ؟
بنات عندهم اقلام تحديد للعين بالوان مختلفه ولا لا ؟