نقطة نسخ :

و الواحد عنده طاقه يَ قمر .. مو كله كرف × كرف شغل البيت مو بس غسيل مواعين .. لا عيوني ورانا تمسيح و غسيل ارضيات و تنظيف بلكونات و كنيس و غسيل حمامات و ملاحق بزارين غير غسيل الملابس وكويها والطبخ لازم في وقته ولا تصير مصيبه ترى احنا اوادم .. من لحم ودم .. ما نشتغل على بطاريات .. لا كله كوم وتكونين كاشخه و مرتبه على سنقه عشره كوم .. بذمتك الواحد متى يمديه يسوي هالشغل كله .. ويفك الخشه بعد ويستانس لازم يكون فيه تقدير .. الرجال لازم يحط ايده بايد حرمته .. اوك هو يشتغل ما قلنا شي بس يجي من دوامه اقلها يعلق ثوبه .. اقلها يشيل صحنه ويحطه في المجلى ترى عياله يسوون نفس ما يسوي .. مو كله فوق راس الام المسكينه وفوق كذا ياليت احد شايف لها جميل .. والرجال لا بغى يجيب الثانيه جابها ما انتظر عذر غسيل مواعين ولا نظافة بيت يَ ما رجال تزوجوا الثانيه وحريمهم الاولات .. وش زين ترتيبهم وتنظيفهم .. وما تلاقين عليها العيبه معليش لا تحسبينه هجوم عليك ولا شي .. لكن خلاص الواحد لمتى يظل يسمع هالكلام .. ان الحرمه لازم تكون مرتبه بيتها ع الاخر .. ومنظمه كل شي ومجهزه قهوتها العصر .. وحلاها .. وكاشخه .. وعيالها مرتبين وشاطرين ومنظمين .. ولا يحق لها تعصب ولا يحق لها تتعب ولا يحق لها تتأخر بالشغل وكل شي يكون جاهز على سنقه عشره عز الله راح عمرنا واحنا بس ننظف ونحاول نوصل لهالكمال .. أنا ما اقول ان الوحده تهمل .. بس بعد بالمعقوول الواحد يعني اش المشكله لا تأخرت مواعين الغداء حق ساعه .. تاخذ فيها المسكينه كوب شاي وتروق راسها من صجة البزوره .. وين المشكله لا نقعت مواعين العشاء و نومت عيالها وسوت لنفسها ماسك وريحت دمااغها ..!!؟ بتنتهي الدنيا مثلا على كاسة شاي ولا قدر معليش ع الرد الطويل ولكِ أحلى دعوه [ عسى ربي يوفقك ويناولك اللي في بالك ]

و الواحد عنده طاقه يَ قمر .. مو كله كرف × كرف شغل البيت مو بس غسيل مواعين .. لا عيوني ورانا...