البنات المتحمسات في الاعراس .. هل انتي منهم هههه (دردشة)

السلام عليكم عدت اليكم من جديد كيف حالكم وش اخباركم ..
طبعا باقي ما ولدت للاسف
وانتظر ♫ ساعه العمل ساعه الانتصار ♪ لا رجوع الى الامام ولاده ♪:01:

*************************************************************************

ماعلينا افتكرت اليوم البنات الي بلزواجات جلست اضحك مع نفسي .. مدري اذا انتوا تشوفون في اعراسكم مثل الي اشوفه في اعراسنا واعراس بعض الناس ..




اول شي حالة الاظطراب الي تصير في البيت والام الي بس تصارخ الزواج خلص .. وتلعن في هالبنات وتصيح .. وهذي تستشور والثانية تلطخ .. والثالثة تستنى احد يسكر لها السحاب !! :humm:



بعد كيذا ركوب السياره :
تمشي الوحدة بشويش وتدعس عبايتها بالكعب والمشية تقولين ( هيجاء ) > ناصر القصبي لمن سوى نفسه حرمه خخخخخ

ويمكن تطيح على خشمها ولازم تغطي وجهها بالطرحه عشان التسريحه لا تخرب وعشان اخوها لا يخنفر على المكياج الصارخ اذا تنقبت .. المهم حالتهم حاله والفستان يسحب من تحت العبايه :twirl: خخخخ

بعدين الدخول للقاعه :
الورطه اللحين بياخذون جوالاتنا !! بعض البنات تدخله بالحيله .. << ههههههه

ولمن يجون عند المرايه يصايحون يمين وشمال البنات هاتي مشط هاتي مشبك هاتي ...

والام تسحب عليهم انا بمشي وهم يمه انتظري نجي معك .. ومايدرون الا الام راحت تسلم قبلهم ..

واذا قعدوا على الطاوله .. كل شوي كيف شكلي ؟؟ كيف مكياجي ...؟؟ خلاص تهبلين فكينا من الغثا بس ههههههههههههههههههههههههه

والاخوات تتوقعون العشاء بوفيه ولا ذبايح ههههههههههههههههههههههههههههه



.............................................

ويبدأ المؤتمر النسائي التنكري ...

شوفي فلانه .. تغيرت .. تهبل ...
وترد ذي من الغيره : كله مكياج ؟
تكفين يعني انتي مو متمكيجه ولاطخة سطل بويه !

شوفي ذي جت عيني بعينها ولا سلمت ..
فلانه جايه لاتطالعين فيها فكينا ...
الخ ............................. من الحش والتقطيع ...

ولا قامت الوحده تسلم .. تسلم بدلع كنها مدري مين .. واستعراض نعومه وتحس الوحده لا قامت لدورة المياه ان الكل قاعد يطالع فيها .. هههههههههههههههههههه

..............................

جات الطقاقه :
إذا جت حزة الرقص
منهن من تثير الشقفة ومنهن من ترسم علامات التعجب فوق راسك
ومنهن من تجعل المتفرجين يرددون ( الحمد لله على نعمة العقل )
من أ ن تضع قدميها الكريمتين عالكوشه إلى أن تنهي وصلتها الاستعراضية





والحين نكشف الستآر عن الموآهب المدفوونه

اه يا القهر لا غنت عراقي الطقاقه .. ودي امسك البنات تكفون لا حد يقوم يرقص عراقي
ذيك الرقصه الخايسه بالرجل .. تمد رجل قدام وترجعها ورا يقالها تهز عراقي ..
يا شيخه روحي موتي ... كسرتي الارضية وانتي تهديها برجلك :06:


واه اخرى اذا دقت مصري ... وقامت اختنا في الله تهز وهي من جنبها !! واحنا بس نطالع حرام الدق الي يجنن ذا في هالرقصه الي مدري وش تبي .. تقل هزاز جوال
وحدة تهز الوسط ؟


- والثانيه: ترج المناطق العلوية وما جوارها بتوقيت الرياض


- والثالثة: تنفض شعرها بطريقة الفريرة تقولون داخلته حشرة تبي تطلعها


- والرابعة: تحرك يديها بطريقة لولبية كوكبية متوازية الاضلاع كنها تخبز تميس


- والخامسة: تطامر يمين ويسار كسرت ارقاب الاوادم من كثر ما يتلفتون خخخخخخ


- والسادسة: تترنح على أنغام البوب بطريقة هستيرية كنها صرصور باخين عليه بف باف


- والسابعه: تتهزهز تقولون ماسكها كهرب 220 فولت


- والثامنة: تصفق بيديها من تبدأ إلى تنتهي ما تدرون تصفق لنفسها ولا للحضور


- والتاسعة: ترقص جنب الطقاقات وتخش في وجيههم عشان يزينون لها الطق


والطقاقات ودهم يصكونها بالطيران صرعتهم بريحتها( الحمد لله إني مانيب طقاقة)


- والعاشرة : تسوي حركات تخليكم تشكون في قدراتها السيكولوجية والفسيولوجية والامبريالية!!!!


..........



كله كوووم واللي يلبسوون برآقع في العروس كوم ثاني
( تدق التسريحة والمكياج والفستان المشخلع والمخلوع بابه وتلبس برقع )
وشلون تجتمع ماااااااااأدري؟!!
وإذا طلبوا لها أغنيه تجيكم طااااااااايره من آخر القاعة ( جاكم الإعصار ما شيّن يعيقه )
وإذا وصلت الكوشه تمسك البرقع بأقوى ما عندها ثم تررررررررميه على الواقفات عالمنصة
والشاطرة تمسكة
واذا خلصت وعينت من الله خير قامت تدور برقعها مثل المسعووووورة
لأنها من الحماس ما تدري وين أراضيه
وإذا لقته كنها لااااقيه كنز على طووووول تحطه على وجهه ما تبي أحد يشوفها


واللي يبط القهر أكثر وأكثر اللي ترقص بولدها ( يالييييييييل أم حبيليص الساااااااري )
ياشيلي يا أم الشباب ياتمايلي
وإذا قام البزر يصيح تنزله وتكمل رقص !!
والبزر ياعمري يتعلق في فستانها الارجواني ويجرجرفيه يجرجر فيه وهو يشاهق من الصياح
تحسبونها توقف
لالالالالا إلا تكمل الرقصة إن شاء الله يموت من الصياح اجل تخلي
فلانه اللي طلبت لها الاغنية علشان هالعله لالالالالالا وألف لالالالالالا.............
وما يضحكني إلا اللي تدخل اسمها في الاغنية واسم العيلة وعيلة العيلة






/
l
/



والأغاني المستخدمة لهذا الغرض تنقسم إلى قسمين :


مدح مباشر مثل :
- (ياصايغين الذهب عطوا الذهب فلانه) ... ادعسسسسسس
- (ردوا سلامي على الفلاينه اللي ما يهابونه) .
- (فلانه كل الحلا فيها احترت أنا مدري وش اسميها ).... جبر الخواطر على الله
- (فلانه غزال صادها القناص ) .... ياحلالااه يا حماية الحياة الفطرية أي والله

...........



والقسم الثاني مدح غير مباشر:
- (الله يازين اللي حضرت غطت على كل الحضور ) .... بالعدال ياديانا سبنسر
( بس هالاغنية قديمة حيييييييل)
- (قولوا بسم الله على غزالن طب قولوا بسم الله ) هاذي عاد ضاربة في
بس إلى الآن متداولة للآسف على كثر الأغاني ضااااااااااقت إلا يغنونها


- (نورت ياحلاها شمس الأقبالي والعذارى شموعن من حواليها )
هاذي عاد من تحت الأنقاااااض

غير كيذا الي ترقص وتردد مع الطقاقه .. وتغمض عيونها وتضحك مع نفسها وتبتسم .. لا حول ولا قوة الا بلله كنها مسكونه الله المستعان ندري يا وخيتي انك حافظة الاغنية شكلك حماس وانتي ترددي وراها ...
ومشكله الي ترقص ولابسة عريان شوي وترفع يدها .. ممممممم طبعا الانظار كلها راح تكون على منطقة معينه اذا المنطقه ذي عندك تلق مثل اللمبه خذي راحتك يا قلبي وارفعي لين تقولي يا الله .. :hearts:
بس اذا العكس .تكفين لا ترفعين يدك ارقصي بها على تحت وسيدا بدون رفع !! :confused-


وش رايكم بنات شاركوني مواقفكم الطريفه التي تحصل بالاعراس ...
وشكرا لكم ..