البنات المغتربات االي طفشانات تعالو خشو عندي لكم حل وسر يبعدكم عن الهموم خشو

صح كلامك ... الله يبارك فيك

اولا اشكر طرحك للموضوع يالغلا

بعد غربة 5 سنين والباقي سنتين واسال الله ان يسهل علي وعلى كل مغترب يارب والحمدلله سعيده جدا في غربيتي ولكن سعاادتي من نوع اخر
فسببها ليس البعد عن بلدي اوعن الاهل


اسمحيلي اقولك يالغلا كل مغترب بهالكون قد ما تكبر وقال انا مبسوط بغربه عايشه احلى عيشه تأكدي انه من دااخله ما يقول الصدق
هننناك في بلادنا اهلنا وعزوتنا هناك ترابنا ترااب الحرمين اشرف واطهر بقاع الارض

الكل يعرف هنا انه احنا هنا مده ورااح نرجع وكلنا نعرف كيف راح تكون العيون علينا >>>على قولك كشااافات

ولكن الحسد اللي تقولي عليه >>>والله يكفينا شره واللي ما يعروفه اللي حاسدنا هذول ينطبق عليهم المثل اللي يقول
حسدو الفقير على موتة يوم الجمعه


ماهم عاارفين بالضغط والتعب سوواء كانت الوحده تدرس او مراافقه فبكل لحالااات تعب وضغط
ممكن تكون وحيده وما عندها حموله على قولك ولكن الوحده تسبب نفسيااات ولما ترجع لبلدها راح ينعكس عليها والكل راح يفهمها مغروره

و هذا غير اللي تحمل بالغربه وتحتااج احد معها ولا اللي زوجها انحرف بملذاات الغرب الله يكفينها شرهم ولا اللي تتصبح او تتمسى على فقد غالي او غاليه وهي بالغربه فقدتهم بعد فرااق دام سنين وهي على امل اليوم وبكره بشوفهم راح اليوم وجا بكره وربي كتب ماعاد فيه لقا معهم ايش هالاحسااس واي شعور راح يصيبنا اللي >>>>لا يذوقها احد يارب
اتكلم عن المبتعثين والمبتعثااات احنا هنا اجااانب بالنسبه لهم يالغلا يعني مثال بسيط >>تركي حميدان اسال الله ان يفك عنه ولا هالعالم اللي تسمعي عنهم انه اولادهم انسحبو منهم بغمضة عين
جااين كرف دراسه او شوف طلبات اطفالنا الحلوين الله يحفظهم لنا وازواجنا اللي يخليهم لنا يارب



معليش بخرج عن اطاار الموضووع يعني معقول راحتنا صاارت فلبعد عن اهل زوجك اللي سلمتيه نفسك البعد عن اهل هم اعماام او عمااات لعيالنا

راحتنا يالغاليه في محبة الله ورسوله صلي الله عليه وسلم ثم في صحتك وصحتك وعافية كل من تحبين الراحه في تكوين عايله سعيده فيها حب ووئام راحتنا في لمه حلوه وجمعة خير
هذه هي الراحه الحقيقه وليس في البعد فالبعيد عن العين بعيد عن القلب





اذا انتي حابه تصيري مغتربه اسال الله ان يكتبه لكي ان فيه لكم خيره

اشكرك من قلبي على الطرح

وان شالله ما تزعلي من كلامي


اختك المحبه
ام سليمااان



الله يسهلها عليكم يالمغترباااااااات ويرجعنا سالمين غانميين يارب

والله ان الغربة تهد الحيل وتجيب الامراض النفسية ومثل ما يقول المثل اسال مجرب ولا تسال طبيب مافي احسن من انك تعيشينوسط اهلك وناسك اللي يعرفونك وتعرفينهم حتى ولو فيه مشاكل بين الاهل شيء طبيعي تعيشين عاداتك وتقاليدك اللي تربيتي عليها

فاهمة قصدك .. :)

لكن برضه أحب أنصحك بمثل نصيحتك



مدري فيه بنات عندهم أهم شيء أتفرد بزوجي كأن الحياة زوج وبس ..

ولا أحد يقربنا ولا يناقشنا ولا يسألنا ..

أهله يخدمونا ايه .. يتعبون علينا وعلى أزواجنا ايه ..

ويا ويلهم يزعلون عيالنا اللي هم في الأساس عيالهم وشايلين اسمهم

وياويلهم يمونون ويعتبرونا عيالهم .. حدهم !

في نظر هالنوعية من الزوجات أسئلة أهل زوجي محرمة وأسئلة أهلي زي العسل :)



عموماً النقاش يطول في هالموضوع ..

واللي تتمنى الغربة ان شاء الله تجربها من غير شر ..

يمكن تعذرنا لو تمنينا أهلنا وديارنا .. :)

كلام اخواتي مظبوط،، ويااختي كل شي له سلبياته وايجابياته،،بس ابن ادم مايشكر النعمه الي هو فيها،،الغربه فيها سلبيات وايجابيات لكن سلبياتها تفوق علي ايجابياتها،،والي ماجرب مايقدر يحكم لان اشوف كثير يقولون احمدوا ربكم انتم بغربه بعيدين عن المشاكل ويتمنون انهم يغتربون،،مايفهمون ايش معني الغربه،،يحسبونها ان الوحده تعيش في عالمها الخاص وسياحه وفله ووناسه،،لا ياقلبي مو دايم بالعكس فيه ظغط نفسي وشوق وحنين لاهلك واحبابك وارضك،،صح اننا تعرفنا على ثقافات مختلفه وشفنا معالم وطبيعه،،لكن يظل انك غريبه في هالبلد ويكفي انك في بلد غير مسلم <اتكلم عن نفسي انا ببريطانيا>والي حولك يناظرونك نظرات حقد وكراهيه ونظرات استفزاز من غير المضايقات،،مافيه راحه نفسيه زي ماتوقعتي اختي،،والوحده مو حياته كله لزوجها لا حتي اهلها لهم نصيب كبير واقاربها،،يكفي انك ببلد مسلم،،يرفع الاذان خمس مرات باليوم تحسين بالطمآنينه ،الراحه النفسيه،،، والمشاكل تلاحقك في كل مكان،، صح يمكن اذا ابتعدتي عن الناس الي يخلقون المشاكل يكون احسن لكن بالنهايه هذولا اهل اولادك لازم انتي تتحملين علشان تكون علاقة اولادك بااهلهم كويسه وهذا راح ينعكس علي مستقبلهم..والله ياقلبي يعين وييسر علي هالدنيا،،واذا تبين الراحه عليك بالاستغفار وقراة القران وراح تزول همومك ان شاالله،،
انا كتبت بس حبيت ابين لك ان الغربه مهب الصوره الي انتي متخيلتها،،