واللله موضوع روعه ويعبر عن كل اللي احس فيه من جد انا احيانا احس ان الرجال غدارين وخوانين واحس اني ابي اعيش عند اهلي ابرك لي انام واصحى بمزاجي وطلعات وراحه بال بلا مسؤليات والتزامات .....
بس اجي احيانا وافكر بان الزواج ضروري من ضروريات الحياة وشي لازم منه ... خصوصا غزيره الامومه اللي نحس فيها ....
اللله يعين يرزقنا بازواج طيبين ومساكين .............
ادعولنا ياصبايا ....................

اول شي السلام عليكم ..

حبيبتي اصابعك مو سوى .. وبليييييز شيلي من راسك هالفكره السوداوييه

بالعكس وربي في كثيرررر رجال ونعم فيهم ويشهد لهم والله بالطيب والاخلاق .. انا عندي قريباتي وخواتي وصديقات ومعارف كثيرررر مبسوطات ..

لاتأثر فيك سالفه والا سالفتين .. بالعكس ياقلبي وربي في كثيرر مبسوطات ..

وبصراحه الرجال وربي يجي بالأسلووب والله العظيم.. بالكلمه الحلوه وربي يمشي معك ..
بس البنت لازم تكون ذكيه تقدرين تخلينه يسوي اللي تبينه ومع ذلك يكون حاس بأنه هو المسيطر وهو اللي يمشي كلمته .. عن جد اللي قال بأن الرجال طفل كبير وربي صدق وترااااهم بالكلمه الحلوه والطيب والله يمشووون معكم
وياقلبي في مامعنى حديث للرسول من اتاكم وترضون فيه دينه وخلقه فزوجووه ..

اذا تقدم لك واحد اسألوا عنه اسألوا عن اخلاقه في عمله اسألوا عن صلاته في مسجد حارتهم اسألو عنه
اذا والله ونعم فيه وافقووا..

وصدقيني الرجال يايغيرررك ياتغيرينه مع العلم ان تأثير البنت على الرجال اكبر ..
هذي انا مجربتها وربي ..

الشغله الثانيه صدقيني اذا البنت حاطه في بالها انها تبي تتزوج تبي الستر وتبي تأسس عائله وتبي زوج يحبها وتبي اطفال وتبي بيت وعالم خاص فيها ونفس الشي الرجال يبي كذا صدقيني بأذن الله الزواج يقووم طبعا مع التضحيات والصبر الزواج يبيله صبرر والتضحيه ..


الزواج احلى صدقيني اذا وفقتي في اختيار الزوج حتى بالنسبه للرجل اللي يبي يأسس عائله اذا وفق في اختيار زوجته راح يقوم الزواج بأذن الله..

في حريم كثيرررر مو مبسوطات تدرين ليه ؟؟ وربي يكون السبب الاول والاخير بسبة الحرمه .. تلقينها الا تمشي كلامها الا تطلب طلبات فوق استطاعه الزوج الا تغثه في الرايحه والجايه ..
مو معنى كلامي اني مع الرجال في كل شي .. انا ادري انه في كثير قضايا طلاق ومشاكل وغثى وكله بسبب الرجال ..

بس برضووه في رجال كويسين وفي حريم كويسات .. وفي رجال غثى ومشاكل وقرف ونفس الشي في حريم كذا ..

بكررره اذا تزوجوا خواتك وبعد عمر طويل انشالله الله يطول في اعمارهم امك وابوك توفوا
وكلنا نهايتنا الموت الله يطول في اعمار اهالينا انشالله وين بتروحين وربي لاتقعدين عاله على اخوانك .. من غير قصور في اخوانك بس انا اقصد حريمهم الا وتصير مشاكل صدقيني ..
والله يا اسيره الورد انا كنت مررره مبسوطه واشوف البنات اللي عندي متزوجات واشوفهم يحسدووني على عزوبيتي على قولتهم اطلع متى مابي اروح المكان اللي ابيه طبعا بعد اذن امي وابوي واحس اني دلوعتهم ومحد يقولي شي واللي ابيه يجيني ولا اشتغل ومافي هم في راسي .. ادري انها حياة حلوووه طيب مو احلى ان يكون عندك بيت انتي بكيفك تأثثيه وتحطين اللي تبين فيه تنقين كنبك وغرفه نومك حتى ادوات مطبخك ويكون عندك زوج وتهتمين فيه وهو يهتم فيك ويدلعك ويحاول يرضيك وعندك اطفال وتنشغلين فيهم وفي ملابسهم ودراستهم ادري ان فيها تعب بس صدقيني فيها لذه..

وربي الحياة الزوجيه احلى صدقيني واهم حاجه الدعاء تكفين ادعي ان ربي يرزقك زوج يخاف ربه ويحبك ومايقصر عليك بشي ادعي كل يوم بعد الاذان حافظي على الاذكار والله يوفقك في حياتك انشالله .. وعقبال مانشوفك عرووسه حلوه ومرتاحه في زواجك ومبسوووطه ..

كلامك عين العقل ماشاء الله ..

فعلا ً / كل اللي يكتبون بالنت يعانون من مشاكل
لكن المرتاحين ماراح يقولون : والله أنا أحب زوجي وزوجي يحبني , وشرى لي كذا وأهداني كذا لأنها تخاف من العين ..

وأصلا ً لو كتبت وماخافت على نفسها وش بيفكها من لسان الحريم المحرومات ( أنتي تلعبين بمشاعرنا . أنتي ماتقدرين . أنتي ماتخافين من العين ) وإلخ !!

قال تعالى / ( لقد خلقنا الإنسان في كبد )

وفيه مثل يقول:
((( لا تنظر لجزء الكوب الفااااارغ .. أنظر للجزء المليان )))

كلامك عين العقل

صدقيني حبيبتي من واقع تجربه انا تأخرت في سن الزواج مو لشيئ بس ما تقدم لي احد ارضاه يعني هذا يدخن وهذا ما يحافظ على الصلاة وهذا ما مدحه احد بعد السؤال وحالات مالها نهايه ومع الدعاء واللجوء لرب العالمين جا الانسان اللي كل الشروط اللي ابيها فيه والحمد لله تزوجته وعشت معاه احلى سنين عمري مع انها ما طالت والحمد لله على كل حال وجبت منه ولدين اتمنى ان ربي يعوضني فيهم خير لان ابوهم توفى الله يرحمه

يعني لا بد من السؤال الدقيق عن المتقدم من جميع النواحي وعن الصلاة والتدخين اهمممم شي وبعدها اسلوب تعامله مع الناس هل هو انسان محبوب والا لا هل اسلوب تعامله مع الناس زين والا لا
واشياء كثيره الرجال ابخص بها

وصدقيني ما فيه انسان مرتاح في هالدنيا كل عنده هم ( خلق الانسان في كبد والد وما ولد) ان ما تزوجتي راح تحسين بهم كبير وتحسين فيه خطأ في مسيرة حياتك بس ادعي رب العالمين ان يرزقك الزوج الصالح الحنون ويرزقك بالذريه الصالحه ولا تكون نظرتك سوداويه وخلي في بالك ان الدنيا ما صفت لصفوة الخلق اللي هم الانبياء والرسل عليهم الصلاوات والسلام تعرضو لابتلاءت عظيمه فكيف بنا حنا يا باقي الخلق

وارجع وواقول كلام اختي مربطة الشوش عين العقل يعني لابد يجي شي في الحياة ينكدها وهي هذي الحياة والله يعينا عليها بطاعة رب العالمين والصبر والاحتساب للاجر

والله يرزقك بالزوج الصالح الحنون اللي يعينك على طاعة ربك وتكونين بعينه احلى انثى في الدنيا كلها ويرزقكم الذريه الصالحه ولا يفرقكم عن بعض امين يارب العالمين

بصرااااااحه لو يومي اليوووم اعيش عزوبيتي قد مااااااااااااااااااااااقدر بدون تحمل اي مسؤليه واذا انتصفت بالثلاثيناات فكرت بالعرس لاتقوول كبيره مشاءالله حريم الوقت مايكبرون :)
بس مهمااا يكون الوحده مالهاا الا بيت زوجهاا الاهل ماراح يديمون للواحد .. ومثل ماقالوا البنااات اصابع يدك مو وحده وياما فيه رجااال يضرب فيهم المثل من كل النواحي :)