البنات الي ما بتستخدمو خطة مكة لتحصين الغرف

السلام عليكم
انا مصابة وعيالي اطفالي كلهم مصابين والحمدلله
الشي دا قربني من ربي ومع العلاج الحمدلله عيالي صارو متميزين في المدرسة اولى ابتدائي
المهم موضوعي هوا
انه من شهرين حصنت البيت بعد ما نظفته بالموية والملح الي قاريه في الرقية العامة للشيخ عبدالله الخليفة الله يجزاه كل خير
وجبت بخاخ قي موية مقري فيها الرقية العامة برضو وحطيت ربع تولة مسك اسود سايل وبخيته في الاركان
وكنت ابغى اسوي الطريقة نفسها في المسك الابيض السايل وابخه عالملابس والسرير بس لزج مرة ما يتصب من التولة فقلت اخليه عطر واصلا يحرق لو جا عالجلد
المهم عيالي كانو يتحركو كتير مرة كل كم دقية يجو في طرف السرير او يعكس نومته او يتقلب كتير دليل عدم الراحة في النوم وكوابيس
المهم من اول يوم سويت الطريقة ديه
التحصين العادي بالموية والملح
والمسك الاسود في الزوايا
وبخور عادي ريحته حلوة
والله يابنات زي ما نامو نفس الوضعية من الليل لين الصباح ما اتحرك حتى لو اتحركو شي لا يذكر باين ماشاءالله الراحة في النوم
ومو واحد عشان اقول صدفة كلهم
المهم ونقلنا وما صرت اسوي كدا
بس اشغل قرآن واقرأ عليهم البقرة وهمن نايمين
وابخ وارش الزوايا والاركان بالموية والملح
كنت اقول ما اظن المسك والبخور مهمين لاني سويت الاهم رشيت موية وملح مقري عليهم
وبرضو نفس الشي تقلب وكل شوية واحد يصحى
امس طبقت الطريقة الي تتكون من 3حاجات
الموية والملح
المسك
البخور
نفس النتيجة ما صحيو في الليل ولا اتحركو كتير وما قالو ما حلملنا وحلمنا
فحبيت اقولكم انه المسك الاسود والبخور يجيبو نتيجة خاصة للي يعانو من الكوابيس والاذية الخارجية
موية الملح طبعا مقري فيها
وممكن غيري استخدمها ماجابت نتيجة معاه
وشكرا
اتمنى الشفاء لنا جمعيا