أنا سعودية و متزوجة كندي... الحياة عادية جدا...لأن بنظري الرجال يظل رجال بكل الجنسيات و الأعراق... زوجي من النوعية النظيفة لحد الهوس... يموت بالترتيب و التنظيم و أنا نظيفة أيوه بس ما احب ابالغ بالموضوع مثله... الأشغال بينا مقسمة...أنا أطبخ و هو يغسل المواعين و يشتغل بالحديقة الأمامية و الخلفية للبيت إذا موجود بالبيت كنس لو ماكنست أنا اغسل الغسيل و هو يصفطهم... هو ماسك مصاريف البيت من إلى و طبعا ما يهمه لو قصر على نفسه علشان يسعدني... الرومانسية مثل المد و الجزر.. بس كلامه حلو جدا.. و لما ازعل يراضيني... بس تعرفوا بعض الأحيان ما احس انه يفرق عن الرجال السعودي و بعض الأحيان أفضل من كل رجال العالم.. و اكيد هذا احساس اي وحدة بالدنيا..
أهله ناس أحبهم موت و هم يحبوني بعد... يخافون علي و يغلوني مثل بنتهم... ادعوي ربي ييسر و يسلمون على يدي و يد زوجي

رفع للمزيد

رووووووووووعه الموضوع والقصص

اعرف بحرينية شيعية متزوجة امريكي مسلم من المذهب السني
و بعدها زواجها صارت سنية و خذت الجنسية الامريكية

و اعرف كويتية امها بحرينية خذت امريكي اسود البشرة يجنن ماشاءالله و مدلعها حييل
و اولادها يهبلون ودج تاكلينهم

و اعرف 3 خوات اماراتيات وحدة متزوجة افغاني دكتور كبير
و الثانية رجل اعمال باكستاني
و الثالثة ارملة لاماراتي و تزوجت والد زوج اختها الباكستاني ... اختها الثانية
لما عرفت قصتها كسرت قلبي بس لما عرفتها عدل و شفت شلون عايشة معاه ماشاءالله تبارك الرحمن حييل حيييل مرتاحة
كتب بيت كبير و مزرعة و استراحة باسمها هي و عيالها في الامارات ..... ذكروا الله

انا خطبني نيوزلندي مسلم ...... دكتوري بالجامعة
مع انه مب ناقصه شي لكني رفضت
الرجل الخلييجي غييير
غييييييييير الله يرزقني بريال خليجي بدوي يا رب و يسخره لي