انا مرة رحت زواج وفعلا اغلب العشرينيات متطابقات في الستايل واللوك نفس الفساتين نفس قصة الشعر نفس الكياتة 😂

اكيد عيونك فيها شي 👀 ماشوف التناسخ الا في الجوال وسببه ياتجميل او فلتر

كلامك فيه مبالغه مع نظره سطحيه غير منصفه للأمور
لان البشر حتى لو قلدو بعضهم في الشكل الخارجي يستحيل يكونون كلهم نسخه متطابقه لبعض
ممكن وحده بين المئات تضرب معاها عملية التجميل وتصير قريبة الشبه من شخصية مشهوره بشكل الفك او الخشم او الخدود والناس تقول عنها نسخة فلانه اما الباقي ما يشبهون بعض
اما بخصوص سالفة الزواج يا عزيزتي لازم تحطين في بالك ان الاساس اللي تقوم عليه البيوت ليس الشكل الخارجي بل المحتوى الداخلي لهذي الانسانيه يعني اسلوبها تعاملها اخلاقها شخصيتها بشكل عام
ومستحيل الشخصيات والافكار والاسلوب والتعامل والاخلاق يتشابهون فيها كل البشريه لانها مختلفه ومتفاوته
وبس احب اقول ان كل فتره زمنيه لها موضتها وهبتها بشكل رسمة الحواجب والشفايف وتسريحة الشعر وغيرها من الامور الخارجيه والاكسسوارات الناس يهبون فيها ثم تجي موضه غيرها وهكذا
هذا شي عادي وماله أي تأثير ولا علاقه بالزواج وحقيقته العميقه

صرت اكره اسوي كيرلي في الاماكن العامه كل البنات كيرلي 🤣🤣🤣🤣
مره بالشغل ثلاث موظفات جاين الصبح نفس التسريحه طچم🤣