مــ س ــك @m_s_k_3

عضوة فعالة

البنات ؟ فرق شاسع ؟ وش الحل ؟

السلام عليكم حوائيات

انا وربي اكتب الموضوع وانا مقهوره على حال بناتنا احس بنات هالجيل وربي شيء فضيع راح اقول لكم قصتي وانتوا احكموا امس رحت للمول ابي شوي اغراض المهم رحت وخليت ولدي في اللعاب مع ابوه واخوه الثاني وكان وقت صلاة المغرب المهم رحت اشتري مويه وانا راجعه الا واشوف 2 بنات جالسين ع الطاوله اللي قبالنا وربي يبنات لا سحى ولا شيء يناظرون في زوجي ولا كاني بجنبه عاد هو خذ الموضوع ضحك ويقول خليهم يبغون يقهرونك انا هنا سكت المهم ركبوا لعبه كانت بجنبنا ولا زالوا يناظرون اللعبه طبعا تدور المهم كل ما قربوا منا قاموا يصارخون او يصفرون وحركات مالها داعي اللي تفك الطرحه وتسويها واللي تطلع شعرها من تحت الغطاء واللي تسوي لثمتها والله يابنات انه شيء يقهر انا بغيت اطلع بس وش ذنب ولدي يبغى يلعب حرام احرمه اللعب وصار اللي مابغيته يصير كنا مبسوطين انا وزوجي وسوالف لين خربوا علينا هذولا الخبثات وربي مني كلمه ومنه كلمه وانا عارفه ان الحيوانات يبغون كذا والله يابنات رحت البيت وانا ابكي عشان شيء مايستاهل وربي قعدت ادعي عليهم ****لله ربي يقبله من كل قلبي حسبي الله عليهم وعلى كل بنت تحاول تفرق بين واحد وزوجته ليه الحقد واطلب الله يمرون بنفس اليوم اللي مرينا فيه ما صار فيه احترام مثل قبل ولا حياء ولا شيء والامهات اللي يرسلون بناتهم مع السواقين ليش انتي ماتروحين تراقبين بنتك وش تسوي في السوق ماغير ورى المتزوجين وليش الوحده تفكر بواحدمتزوج وربي ماتلقى غير الدعى تخرب بيت واسره وتبني سعادتها على تعاسة غيرها :44: وربي ظلم وحرام وخصوصا ان رجال هالزمن مافيه العدل ابد ابد ابد وربي العدل بين الزوجات مستحيل كل شيء بالخداع والغش ...؟

انتوا بنات وش رايكم انا الغلطانه والا زوجي وربي لا الحين مانكلم بعض وهو ولا همه وانا مقهوره ما احب اني اجلس يوم ماتكلم معه المشكله انه هو الغلطان اقوله انت اخسرهم لا تطالع فيهم وهواللي عطاهم وجه ابي رايكم يصراحه تكفون ووش اسوي ؟؟؟ اعطوني حل الله يوفقكم :44:

اختكم

مسك

يلزم عليك تسجيل الدخول أولًا لكتابة تعليق.

تسجيل دخول

جوري فيفا • 13 سنة

هلا فيك اكيد هو الغلطان دامه يناظرهم بس لو منك ولا كأني اشوف شي ولا احسسه بشي لان والله الرجال اذا قمتي تغارين يزودها بس اذا شاف العكس انهبل ........................ وتقبلي مروري

أم ميار9 • 13 سنة

انتبهي تحسسين الرجل انك تغارين عليه تراه راح يزودها
انتي طنشيهم والله راح يسكت ومايهمنه

خيال القهوه • 13 سنة

ليه والله لو اني منك اموت من الغيره بس مااوريه اضحك واستانس لو بس كذا
انا مره كنت بحديقه مع زوجي وكنا نشرب كوفي ومروا علينا مجموعه طالعوا بزوجي وقالوا بالعافيه انا كنت مقابل زوجي رحت جلست جنبه ومسكت يده وقلت الله يعافيك بصوت عالي
بس صح لما رحنا البيت تهاوشنا لاني زعلت انه ضحك وانا ميته قهر بس والله رفعت يدي ودعيت عليهم لاتقولوا ادعي لهم هالاشكال مستحيل ينصلح حالها

(نوووشه) • 13 سنة

حبيبتي كان تركتي المكان لهم هالمتخلفات
صدق قليلات ادب
وسعي صدرك وبلاش تكبرون الامور على شي مايسوى

حياتي فداك • 13 سنة

الحين تجي وحده وتقولك انهم اجنبيات ومستحيل يكونو سعوديات ههههههههههههههههههههههههه

الله يستر علينا

ويهدي سرك انتي وزوجك