لسلام عليكم و رحمة الله و بركاته
اليوم حابة اتكلم عن موضوع الموضة و البنات
حلو انو ناخذ من الغرب الاشياء اللي تفيدنا في الملابس و غيرها... بس اللي لاحظتو على معظم البنات عندنا المبالغة الزيادة في اتباع الموضة... يعني الاحظ بنات كثير ينفذوا الموضة بكل حذافيرها و نست اننا:
اولا: لنا ديننا و عاداتنا و تقاليدنا اللي تختلف اختلاف جذري و كبير عن الغرب
يعني مثلا انا السنة هذي رحت لزواج و كانت العروس مفصلة فستان زي فستان زواج لعارضة ازياء كان زي فساتين سندريلا و سالي في افلام الكرتون...و هي العروس ما شاء الله مليانة
طيب هذي النوعية من الفساتين تناسب النحيفة اكثر من اللي جسمها متوسط او مليان لانو يعطي جسمها حجم و توازن
يعني البنت فصلت مثلو بس لانو العارضة اللي تحبها لبستو
غير كذا الفستان ما كان مناسب لنا من حيث العادات لانو الفستان كان ناعم جدا... و عندنا الفساتين اللي زي كذا ما تناسب العروس
و هذا نابع من اختلاف العادات بيننا لان زواجاتهم تكون في النهار فتكون فساتينهم ناعمة و هادية بس احنا لا زواجاتنا تكون في الليل فتلاقي الفساتين عندنا يزينها التطريز و النقوش و الكريستال.
طيب عرايس كثير تقول انا ما احب الدفاشة و لا التطريز صح انا معاك الشغل المبالغ فيه في الفستان مو حلو بس برضو النعومة الزايدة في فستان الفرح مو حلوة ... اذا انتي في اهم يوم في عمرك كان شكلك جدا ناعم و هادي و ما فيه فخامة لدرجة انو يمكن وحدة من المعازيم تغطي عليكي و ما طلعتي بشكل يليق فيكي اجل متى تبغي هذا الشي...حلو النعومة بس لازم تكون على فخامة.
زواج ثاني رحت لو كانت العروس لابسة فستان سمكة و هيه نحيفة بس لان مغنيتها اللي تحبها لبست زيو
طيب السمكة مو لايق ابدا على النحيفة و معروف يناسب اللي جسمها كمثري!!
ثانيا: مو كل شي يبتكروه الغرب يناسبنا بحكم طبيعة اختلاف الوان بشراتنا و اجسامنا عنهم
يعني مثلا نلاقي بنت مهووسة بشخصية معينة و تلاقيها من كثر اعجابها بهذي الشخصية تلبس زيها و ما تختار الا الالوان اللي لبستها هذي الشخصية و تنفذ كل شي عملتو هذي الشخصية
و قيسوا على ذا الشي الامور الاخرى زي المكياج
لما وحدة حنطية و الا سمراء و تحط الوان ما تليق على وجهها بس لانو الموضة هذي السنة هيه هذي الالوان تلاقيها مستخدمتها و هي اساسا ما تناسبها
ثالثا: مو أي شي يلبسوه المشاهير يكون لايق عليهم مهما صار هما بشر و مو طول الوقت تكون طلتهم حلوة لا بد من الاغلاط بس البنات عندنا هنا لا يعتبروهم قدوة و ما يرضو انو احد ينتقد لبسهم
و اللي ينتقدهم يعتبروه قروي و ما يفهم بالموضة
مثلا انا يا بنات تعجبني بعض تصاميم زهير مراد و احب اشوف جديدو بس تدرون انو من أي مجموعة يسويها ما يعجبني الا فستانين او ثلاثة
لانو زهير يعتمد على فخامة القماش اكثر من الموديل نفسو فتطلع اغلب فساتينو بايخة بس اقمشتها روووعة
طيب زهير مصمم عالمي و لما ناقشت هذا الموضوع مع صديقة
قالت لا هو عالمي و مشهور كل شغلو تمام و ما يغلط... شفتو كيف تفكيرها لانو مشهور رقعت السالفة لو ...لو شخص مو معروف كان صار مسخرة
انتوا اشرايكم تحسو انو البنات مبالغين في موضوع الموضة و الا تشوفوه شي عادي
عفوية صريحة @aafoy_sryh
كبيرة محررات
يلزم عليك تسجيل الدخول أولًا لكتابة تعليق.
الامل 222
•
موضوع حلو
يعطيك الف عافيه خيتي
وصادقه بعض البنات اي شي تلبسه واي شي تسويه وهو مايناسبها
تمشي على الموضه وهو مايناسبها .....
وصادقه بعض البنات اي شي تلبسه واي شي تسويه وهو مايناسبها
تمشي على الموضه وهو مايناسبها .....
فرناز
•
كلام سليم الوحدة المفروض تشوف اللي يناسبها بغض النظر عن الموضة
اللون اللي يناسبني , والموديل اللي يناسب جسمي , وبرضوا القصة والصبغة اللي تناسب
والاهم من هذا كله ان تكون هذه الموضة لا تخالف الشريعة , ماراح استفيد اذا لبست العاري والضيق وحرمت من الجنة
قال صلى الله عليه وسلم (أن من أهل النار نساء كاسيات عاريات مائلات مميلات لا يدخلن الجنة و لا يجدن ريحها )
اسعد الله قلبك عفوية على الموضوع القيم وجعله الله بميزان حسناتك ..
اللون اللي يناسبني , والموديل اللي يناسب جسمي , وبرضوا القصة والصبغة اللي تناسب
والاهم من هذا كله ان تكون هذه الموضة لا تخالف الشريعة , ماراح استفيد اذا لبست العاري والضيق وحرمت من الجنة
قال صلى الله عليه وسلم (أن من أهل النار نساء كاسيات عاريات مائلات مميلات لا يدخلن الجنة و لا يجدن ريحها )
اسعد الله قلبك عفوية على الموضوع القيم وجعله الله بميزان حسناتك ..
انا مع فرناز
وفيه شي ثاني يعني مو لازم اطبق الوضة كلها
ممكن اخذ شي واحد يعني يخص اللبس او الميك اب او الشعر او المناكير
بس قبل كل شي مناسب وما يغضب الله
عندي سؤال لصاحبة الموضوع كيف فستان سمكة
الي اخره زي ذيل السمكة
وليش ما يناسب النحيفة ؟
وفيه شي ثاني يعني مو لازم اطبق الوضة كلها
ممكن اخذ شي واحد يعني يخص اللبس او الميك اب او الشعر او المناكير
بس قبل كل شي مناسب وما يغضب الله
عندي سؤال لصاحبة الموضوع كيف فستان سمكة
الي اخره زي ذيل السمكة
وليش ما يناسب النحيفة ؟
الصفحة الأخيرة