~ كلي امل ~ :

والله انا اللي اشفق عليكـ ... هذا بدل ما تقولين احس بفخر إذا نادوني ام البنات ... سبحان الله ناس تتمنى البنات ... وناس تتمنى الحمل وش ماكان بنت او ولد .. ارفعي راسكـ واعرفي انكـ في نعمه الكل يحسدكـ عليها .. ------------------------ انا عندي بنت وهي بكـــري .. وحملت بتوم وجبت بنتين ... يوم نفاسي جتني خالتي وقالت ان بنتها تقول ليش مو واحد منهم ولد .؟؟؟ وكأنه ريموت كنترول اضغط زر وتتحول البنت لولد والعكس ... مع انها ميته بالحمل ماعندها غير بنت وولد وهي كبيره الله يرزقها ... بس والله مو شماته فيها ... بس استغرب من ناس وش تتمنى وكيف تفكر ... والله انا افتخر اني ام البنـــات ... وماأكذب عليكـ اتمنى الحمل الجاي يكون بنت ... وقتها بأكون بأكبر نعمه البنات تربيتهم افضل واهون من الأولاد ... الأولاد شقى وتعب ... مو بالبدايه بس لما يكبرون ويوصلون سن المراهقه بيكون تعب .. انا هذا تفكيري ولما سألت زوجة أخوي عن تفكيرها لان عندها 3 ماشاءالله اولاد تقول نفس اللي تفكرين فيه شايله هم المستقبل لأن الولد ماتقدرين تتحكمين فيه لما يصير شاب وبتجلسين تفكيرين وين راح ومين اصحابه ووش يسوي عسى مايدخن .؟؟ عسى ميتأثر برفقاء السوء اما البنت العكس تماما ... صاحباتها بيكون عندكـ بالبيت وبتعرفين من هم ومن عايلتهم ... يعني تحت عينكـ ومافيه طلعات مثل الشباب ... يعني الفرق شاسع وإذا الله رزقني بولد ماأنكر نعمته بالعكس بأحمده واشكره واطلب منه انه يجعله من الصالحين البارين المحافظين ع الصوم والصلاة ... أعذريني ع اسلوبي بس تنرفزت من كلمة (( اخاف ينادوني بأم البنات )) وكأنه هاللقب عيب او منكر لاسمح الله

والله انا اللي اشفق عليكـ ... هذا بدل ما تقولين احس بفخر إذا نادوني ام البنات ... سبحان الله...