البنادول ياحوامل

السلام عليكم ياحوامل
الله يهون عليكم كلكم ويرزقكم بالذرية الصالحة
بقول لكم عن معلومة ممكن ما تنتبهون لها مثلي
انا لما كنت في شهري الخامس جتني حراره وصدري تعب وصداع شديد وكنت خايفة مررة اني اخذ ادوية ولا حتى مسكنات , قلت اتحمل عشان البيبي لدرجة اني كنت اجلس في الحمام اكثر وقتي وانا اتروش بموية باردة عشان تخفض الحرارة , وظليت على ذا الحال يمكن 3ايام , وكانت تقول لي اختي انتبهي ترا جلوسك كذا بيضر البيبي اكثر من ضرر الادوية لاتكابرين فيه ادوية خاصة للحوامل بس ماكنت اسمع كلامها , كنت اذا مررة تعبت اكل اكسترا باندول وطبعا مرتين اكلته بس , في اليوم الرابع قام زوجي للدوام ولقاني مولعه من الحرارة وجلس يكمدني ساعه ونصف وانا تخيلو ماني حاسة فيه ابدا كاني ميتة وحرارتي مي راضية تنزل , المهم صحاني ورحت لمستشفى دلة في العياداد المتخصصة ودخلت على دكتور اذن وانف وحنجرة :01:


تخيلو ايش طلع فيني ( نزلة صدرية شديدة جدا ) ولو تاخرت كانت بتاثر على الجنين , المهم انه اعطاني ادوية ومن بينها مضاد خاص للحوامل حتى اني ماصدقته وقريت الروشته ومكتوب فيها انه للحوامل وبرضو ماتطمنت وسالت دكتورتي وقالت لي انه مايضر , والحمد لله الحرارة في نفس اليوم وقفت وصدري الحمد لله تحسن مع المضاد
فنصيحتي لكم لا تسوون اللي سويته ترا احيانا كثر الحرص يضر :23:


طبعا الى الان بتقولون طيب وين موضوعك الاساسي وهو البانادول









ابي احذركم من ( اكسترا بانادول ) وانتم حوامل لانه يروح للمشيمة ويتغذى منه الجنين وعلى كذا بيضره :06:

اما البانادول العادي مايروح للمشيمة ولا يضر الجنين :27:

هذا كلام الدكتور لي

, وانشاء الله اكون نفعتكم , بنات تكفون ادعولي ربي يسهل ولادتي ويكمل ويحن ويجمل خلق جنيني :27: