البنت اخطت بحقي عمداً واللحين ادور رضاها دوره 💔💔

الله يسعد لي صباحكم بكل خير ورمضان مبارك علينا وعليكم الله يجعلنا من صوامع وقوامه
بنات انا عندي مشكله من سنتنين توقعت مع الوقت بتتصلح الامور بس للاسف ماتصلحت
هي مشكله طويله بس باختصر لكم واعطيكم الزبده
لي بنت عم انا واياه سمن وعسل وحبايب قبل سنتين اخطت بحقي خطا كبير وعن قصد واعترفت واعتذرت بعده بيوم وقالت هالتصرف كان جهل مني وابيك تقبلين اعتذاري بس انا وقتها قبلت اعتذرها شكليا فقط و بينت اني زعلانه لمده سنه تغيرت معها وصرت اعاملها بشكل رسمي وهي تحاول منا ومنا ترجع علاقتنا لدرجه كانت مرات احس تهين نفسها عشان اصير زي قبل وانا مصره على ان العلاقه تصير رسميه يعني اسولف معها واضحك بس بشكل رسمي جداً هي عزت عليها نفس خلاص صارت رسميه معي بعد وماصارت ابدا تحاول ترجع علاقتنا
مرت الايام وامي تعبت بعد السالفه بسنه ونص وكنا محتاجين ضروري سرير بالمستشفى العسكري تعسر امر السرير وسولفنا لها وعلى طول فزعت لنا وكلمت زوجها يكلم ناس يعرفهم وعلى طول توفر السرير باسبوع وسوت امي عمليتها ونجحت الحمدلله وامي صارت تمام
بعد هالموقف يابنات انا خلاص طاح الحطب الا صرت اشوفها احسن قريبه لي عجزت انسى موقفها احاول اتقرب منها صارت بعيوني شي ثاني صارت احسن من قبل ادور رضاها احاول اسعدها
بس البنت ماهي زي قبل احس كرامتها قويه انا مستحيل انسى اللي سوته لامي
قولوا لي الله يوفقكم ويرزقكم ماتتمنون وشلون اخلي علاقتنا ترجع زي قبل انا ودي اتجيهلها بس كل ماشوفها اشوف فزعتها لامي
عطوني حل ربي يرضى لي عليكم