الحمد لله على نعمه

ولا حول ولا قوة الا بالله

فعلا هالشريحه موجوده ونشوفها

والبنات بالذات ينكسر خاطرهم باابسط الاشياء يحسون انهم اقل من غيرهم

الله يعين ويسهل

بالفعل حكاية او واقع مرير تجدينه في كثير من بلداننا بدون استثناء شريحه منسيه بس اختي انا بقولك قصه واقعيه عن وحده اعرفها مثل ماعرف نفسي بقولك قصتها
الالم اللي في قصة صديقتي مو الم الفقر بالعكس كان ابوها اغنى اخوانه واكبرهم مركز ومنصب ومال وفاتح بيوت خوانه كلهم وساعدهم وعطاهم وشالهم بس نسى عياله من زوجته الاولى وكان مزواج عاشو عياله في فقر وغيرهم يتمتعون بمال ابوهم وهو نفسه ابوهم يحلف انهم ماراح يورثون ولا يشوفون درهم من وراه !!!! تخيلي اختي رغم ان امهم تصير بنت عمه واول زوجاته بس حقد ام ابوهم الله يرحمها ويغفر لها وكيدها لزوجة ابنها حرمهم من حب ابوهم
كانو يشوفون مال ابوهم يتوزع ويتمتع فيه عيال عمامهم وقرايبهم وهم محرومين من ابسط الاشياء صبرت امهم وحاولت تعوضهم بعمل يدوي وتعفهم عن الحاجه وتوفر لهم لو ابسط الاشياء وكافحو معاها وساعدوها باخلاقهم وتربيتهم اللي الكل يشهد على سموها وطيبتهم وياما شافو من الظلم والضيم بس وكلو امرهم لله
تخيلي اختي شكل صديقتي وهي اول ايام العيد لابسه ثوب واحد يتيم امها فصلته لها بالدين عند الخياط فقط ثوب واحد مافي غيره وخواتها من ابوها لابسات فساتين اشكال والوان وبنات عمامها كل وحده تتباها باللي لابسته وشاريته وهي مالها غير دموعها وحقدها اللي كل يوم يكبر وكل يوم يزيد عليهم وبالذات على ابوها
اللحين صديقتي كبرت واخوانها كبرو وتوظفو وهي تزوجت وتوظفت وصار مستواهم المادي جيد والحمدلله وابوها خسر كل ثروته و بمعنى اصح سرقوا كل ثروته اخوانه وحريمه بالنصب والهبه وغيره
واللي يلفت الانتباه في هاي القصه ويخلي الواحد ماييئس من رحمة الله ويتمسك بالصبر والدعاء ان الزمن دار وصار الظالم مكان المظلوم وصار الكل يطلب رضاهم وقربهم ومساعدتهم بعد ماكانو منبوذين

غرشوب رعبوب

القصه هذي للأسف صارت منتشره وان اختلفت بعض التفاصيل

والحمدلله ربي عوض صبرهم خير

والدنيا دواره

مشكوره أختي لكتابتك القصه للعظه والعبره..

:(

ياااااااااااااااااه..كنت اشوف مثل هالشريحه فالمدرسه لكن ماكنت احس فيهم بس احس انهم طيبيين..حراااااااااااااااااااام..ليش جذه...والله قلبي عورني اتذكر بنتين كانو جذه تقريبا..وحده في مره فجأه صاحت بدون سبب وكنا مستغربين ونظحك..اللهم اني اعوذ بك من الكفر والفقر..الله يكون في عونهم

كثيرين بمثل حالتها

ولا تعقدوا من شكلهم لان هذا راجع لمدى ثقتهم بانفسهم وحسن تربيتهم الي ماعقدتهم وكرهتهم بانفسهم

وكثير مثلها بالفقر ودفاترهم ومستلزماتهم اقل من عاديه وتلاقينهم ماشاء الله من الاوائل ولا وحده تقدر تنكر ان في مدرستها كان في طالبات كذا ماشاء الله

وترا دبدوبه غير دبه :D

وإن كان شكلها الي معقدها فيه شي اسمه عقل وتفكير وطموح تبدا تشتغل على نفسها ريجيم ورياضه الغني والفقير قادر عليها

وبخصوص الفقر ماهو عيب خاصة انها تعتبر افضل من الي حتى مايقدرون يوفرون دفاتر ولا اقلام للمدرسه !! وهم يموتون ويحييون بس يبون يتعلمون وياخذون شهادات

..

.