اولا ً السلام عليكم ورحمة الله وبركاتة
انا راح ادخل بالمشكلة على طول وكلي أمل في الله ثم منكن مساعدة صديقتي
ورجاء الكل يرد ويعلق على الموضوع الله يسعد قلوبكن
وعارفه البعض يعتبر مشكلتها سهله لكن انا اثق برايكن وحب كل وحده فيكن مساعدة الغير
ومن فرج على مسلم كربه من كرب الدنيا فرج الله عليه كربه من كرب الآخرة
مشكلة صديقتي:
طلبت مني طريقة بحيث تطلب من والدتها الله يحفظها ا تكلم لها خطابة
واكيد فيه منكم بيقول:
( ليه ماهي تكلم الخطابة بنفسها راح اجاوبك يمكن تتفق مع الخطابة في أمور لكن الخطابة راح تكون اما في غير منطقتها فاهلها راح يستغربون كيف يعرفونها_ وممكن تعجب بصفات معينه لكن اهلها ماتعجبهم لاني سبق وقلت لكم اهلها متشددين بموضوع النسب وأمور كثيره مثل ظيفته ورجولته واخلاقه وانسابهم كلهم)
وللمعلومية:
(البنت ماسبق وخطبها أي شخص وماطرق باب اهلها ولا رجل)
حتى أيام ماكانت تدرس بالجامعة
( تقول الناس تنعجب بشكلي لكن نهائياً ماتقدم شخص يخطبني)وانا ماتوقع بنت توصل لعمرها ومافي شخص يخطبها لازم كل بنت فيها نواحي ايجابيه تخلي اهل الزوج يفكرون فيها
والحمدالله هي( بنت مؤمنه بقضاء الله وقدره وصابره وتقول اكيد خيره وتدعي ربها وتصلي)
ل[كن هي تقول (الحين فيه ناس تفكر تخطبني لكن بعدين يمكن مارتبط بشخص يكون بالمواصفات اللي اتمناها+ اني احس فقدت الثقه بنفسي وجمالي وانوثتي واقول لو كنت حلوه كان اي شخص يخطبوني اهله+ النفسيه الصعبه والبكاء كل ليلة ) وربي كسرت خاطري:
وانا والله ذكرتها بقصص بنات تزوجن بعد ماكبرن بالعمر وعاشت حياة سعيدة
تقول (صحيح لكن انا عايشه في ضيق عند اهلي وخايفه اضيع وانحرف)
[المطلوب:
كيف تحاول تقنع امها وخاصة انها في المنطقة الشرقية وارقام الخطابات اللي عطيتها من الرياض (بناءعلى طلبها مني)وماقصرت وحده من البنات اعطتني ارقام خطابات بالشرقية الله يوفقها عاجلاً غير آجل
وابوها اساساً من الرياض لكن حياتهم بالشرقية وهم مايسافرون للرياض الا نادر
يعني( انا احس لما اتكلم الخطابه امها راح يساعد البنت نص المشوار)[وعارفه البعض راح يقول:
(الخطابه ماتنفع ومو ثقه ووووووو)
لكن
( البنت اعلم بظروفها تحلف بالله لي انها في هم ماطلعت من بيتهم من مدة سنه كامله الا مشاوير قليله جداً وماتكلم الا انا من صديقاتها اما الباقي الله يسامحن مافكروا يتصلون عليها لان كل وحده تزوجت وانجبت وانشغلت عنها وحتى لو تواصلت معها تحلف بالله انهن تغيرن عليها الله يسامحهن
وتقول:( انا حاولت وقدام امي اوضح لها اني بحاجة للزواج) لكن تحلف بالله انها مطنشتها
يعني تقول( امي ماهي من النوع اللي حريص على تزويجي ولانها اكبر خواتها لازم تتزوج )
بسبب
ان خواتها كبرن بالعمر ومحتاجات للزواج بعد
غير ظروفها الماديه اللي متعبتها كان الله في عونها يارب
تقول:(ماقدر اشتري لبس واطلع الجمعيات والنوادي الصيفيه او المناسبات او العزايم والحفلات)
وفي البعض اكيد
بيقول:( ليه انا ماكلمها وانا سبق وقلت لكم اهلها لهم شروط يعني الافضل امها تحط الشروط ممكن تقول يكون مطلق ولما يتقدم المطلق تقول امها لا مابي ازوج بنتي شخص مطلق لانهم باختصار مايحرصون على تزويجها بسرعه وكذلك عشان تتفق معها بكل شئ وتتفاهم مع الخطابه)
انا ساعدتها بارقام خطابات
وادعي ربي يوفقها ويستر عليها وعلى جميع بنات المسلمين
دخيل الله يابنات ماتهملون الموضوع وتردن علي
وتكون من بينكم البنت الحنونه اللي تحس بوضعها وحالتها
والبنت العاقله اللي تساعد بنت من الضياع والانحراف
في زمن كثر فيها الفساد
والله في عون العبدماكان العبد في عون اخيه
وتذكرن حب لأخيك ماتحبه لنفسك
والله يوفق الجميع يارب:26:
نجدية 2000 @ngdy_2000
عضوة فعالة
يلزم عليك تسجيل الدخول أولًا لكتابة تعليق.
الله يخليلي ماما
•
الله يكون بعونها ويرزقها الزوج الصالح عاجل غير اجل
الله يجزاك خير ويوفقك
واسأل الله السميع العليم يخلي امك ويطول بعمرها ويفرج همها ويرحم جدتك ويسكن فسيح جناته ويغسلها بالماء والثلج والبرد ويجعل قبرها روضه من رياض الجنه يااااااااااااااااااااارب
واسأل الله السميع العليم يخلي امك ويطول بعمرها ويفرج همها ويرحم جدتك ويسكن فسيح جناته ويغسلها بالماء والثلج والبرد ويجعل قبرها روضه من رياض الجنه يااااااااااااااااااااارب
عنودان
•
اللهم ارزقها زوجاً صالحاً نقياً تقياً مخمون القلب عاجلاً غير آجل
اللهم آمين يارب
لا إله إلا أنت سبحانك إني كنت من الظالمين ....
اللهم آمين يارب
لا إله إلا أنت سبحانك إني كنت من الظالمين ....
الصفحة الأخيرة