شوفي حبيبتي انا عانيت كثثير بدراستي وكان طموحي ادخل الجامعه وصارت مشاكل بعد ماقدمت وكان وقتها برمضان استغليت هالشهر الفضيل الاكل اللي اسويه اضمره صدقه عني وصلواتي بوقتها مااخرها واذكاري بالصباح والمساء ﻻزم اقولها وبعد صلاة العشاء ﻻزم اصلي التراويح وابكي بالسجوود صدق وقتها حاولت اكون قريبه من ربي لان كل اللي عندي خذلوني كنت مكسوره كل واحد وهمه نفسه كنت تايهه كثثير صرت اشتكي ربي والحح بالدعاء وابكي والله بكاء يقطع القلب واخر الليل اوتر وادعي ربي واتحرى وقت الاجابه مثل عصر الجمعه والثلث الاخير والحمدلله الحين انا بأخر سنه من الجامعه دعوواتكم بالاختبارات .

رفع
عجبني الموضوع
انا كمان أحس اموري وقف ولاني قادرة أتقدم وكل شي اسويه ما يجيب نتيجة
ننتظر باقي البنات يفيدونا

تدرين ليه ؟؟ لان نظرتك سلبيه للامور. لانك دايما تلطمين على نفسك وتقولين انا المسيكينه انا ربي ما وفقني انا انا انا ...ألخ
اول شيء تسوينه انك تعتمدين على ربك وتؤمنين بانه الي ربي كاتب لك بيجي وترضين ربك ثم والدينك تراها اهم شيء في حياتك والسبب الرئيسي لفتح الرزق ..وثقي تماما ان ربي ما يضيع تعب عبده على قد ما تتعبين على قد ما تلاقين ..لا تستسلمين ابدا مهما كان الا لمن توصلين للشيء الي تبغينه حتى لو اخذ منك وقت وجهد ما توقعتيه...لازم تكونين ايجابيه وتغيرين منظورك لنفسك ولحياتك.

حصني نفسك بالقران واذكار الصبااح والمسسساء

انا كنت كذا واسعى واركض بأي موضوع ابيه وإذا وصلت للنهاية وخلاص بنجح فيه انعكس وانقلب ضدي لدرجة اكره الساعه اللي تمنيت به هالشي
والله لو اقول لك الامور اللي مريت به انك تقولين انتي القرادة اللي تمشي على الارض
وقريت مره بحساب بالانستغرام عن الاستغفار والتزمت به 24 ساعه اول شي ماشفت اي تغيير مع اني استغفر طووول اليوم وصار لي شهر او اكثر وماتغير شي وقربت ايأس وتركته واول ماتركته تحقق لي اول شي تمنيته تسديد دين كبير كان علي وياخذ كل راتبي قلت يابنت هذا بفضل الله ثم الاستغفار جعله الله لي مخرج من الهم والدين ورجعت له وبعده ماشاء الله كل شي ابيه تحقق بدون مبالغه حتى لدرجة امي وخواتي صاروا يقولون ادعي لنا مثل ماتدعين لنفسك وانا والله مقصرة بالدعاء لكني ملتزمه بالاستغفار وكل وحده اشوفه مهمومه انصحه بالاستغفار بس للاسف اغلب الناس تقول كلام مطاوعه وماتلتزم ، وانا والله كل شي ودي اعلمه الناس علشان يلتزمون بالاستغفار لاني اتمنى الكل يستفيد من تجربتي ويشوف بعينه وش كنت ووش صرت بدون اي مبالغه ومازالت عندي امنيات ابي احققها بإذن الله لكن الحين صرت ادعي مع الاستغفار لاني خجلت من ربي والحمدلله من قبل ومن بعد