البنت الي مازالت ( انسه ) تدخل وحتى ( المدام ) اذا تبغى 0

صباح الخير خواتي فلزات اكبادي ....

جايبة لكم اليوم نصايح .سندودية..اللي ماتتبعها ماعندها سنع ولاعمرها شافت خير
الموهيم

حنا يالبنات دايم فاقدات الثقة بالنفس وحنان ودفا

اما لاسباب أمنية
امها وابوها لاهين باخوانها الصغار موب لمها خلاص عجزت هي كبر التنكة وش تبي بعد؟؟

او لاسباب فسيولوجية
االبنت تحس انها طفشانة وتمل من قعدة البيت وتمل من المدرسة وتجي على مخها خمات
مرة تبي تسوق ومرة تقول ابي اعتزل الحجاب مرة تقول ابي اصير ولد افحط بالثمامة

او لاسباب كهرومغناطيسية
يعني تشوف انها بدت تعجز والعرافيط بدأت تغزو بشرة وجهها قد تكسر المرأة وقد تكسر رقبة
كل من يعترض طريقها

او لاسباب تكنولوجية
يعني كل الناس طلعوا جولات وابوي معيي..كل الناس يدخلون نت واخوي معيي

او لاسباب عجازيه
يعني مالها خلق تسوي شي بس ودها تجلس بالبيت وتتغطى تحت البطانية وبرواتي جيبي الشاي
برواتي جيبي الفطور وهذي حالتها كل يوم

اولاسباب تحطيمية برمائية
تجيك مبسوطة مسوية لها طبخة مانامت بالليل تفكر وش تطبخ واخرتها تحطيم ابوي او امي
او اخوي في البيت خخخخخ

او لاسباب كثيرة جدا


المهم بعد ان استعرضنا الاسباب
نجي للنصايح السندودية للاناث فقط


88

كوني كالاميرة في بيتك عاملي نفسك على اساس انك اميرة البيت
لاتقولين اهلي مايعطوني وجه
مالك شغل فيهم بينك وبين نفسك

اعتبري غرفتك الصغيرة مملكتك الخاصة..حطي فيها كل اللي تتمنين
الاثاث لازم يكون على ذوقك
السرير لازم تكون مرتبته رفيعة مررررررة زي الاميرات
بحيث انك لاتقلبتي بالليل تطيحين منه على الارض خخخ
ولازم يكون فيه وساداتك كثيرة مقاسات مختلفة واذا جيتي تنامي ارميهم على الارض


التسريحة لازم تكون مرتبة بشكل متناسق العطورات على جهه والمكياج على جهه والاكسكوارت على جهه اخرى
ولازم مرايتها تكون كبيرة وانتي منسدحة تقديرن تشوفين نفسك فيها

المكتبة لازم يكون عليها جهاز الكمبوتر والتلفون الثابت وفواحه لها عطورات حلوة اشتريها من زهور الريف
مررررررة ريحتها حلوة

الشموع لازم تملى غرفتك على التسريحة..على المكتبة ..على الكمدينة والارفف
ويفضل تكون شموع برائحة عطرية

اشتري دعاسات اوزوالي صغيرة على شكل ورود وفراشات وانثريها في الغرفة عشان تحسي انك في وسط حديقة بالفعل

نرجع للسرير لازم يكون قريب من الشباك عشان لما تصبحي الصباح تفتحيها ويكون فيها حوض صغير ورود طبيعية
وتستنشقي الهواء العليل برائحة الزهور المخملية <--اص بس خخخخخخخ

بالنسبة لجوالك اشتري له كرسي صغير وحطيه جنب راسك ووقتي المنبه لمواعيدك المهمة
ودندشيه باحلى الاكسسورات والالوان

بالنسبة للبسك...اشتري لك كم بيجامة قطنية مقاسها كبير شوي عشان طول الوقت تحسي انك نحيفة خخخخ
واثني اطرافها من الاكمام والبنطلون والبسي شراب سبورت قصير
وسليبرز لونه وردي

ولاتنسي البخور كل ماتقومي الصباح ولعي المبخرة ومررها على الفراش وعلى كل الغرفة لتشعري انك معزومة

شعرك انتبهي له لاتسوينه تسريحة "المانيب فاضية"
لالالا
اعتني به ايما اعتناء وخليه دايم مفكوك ياي يجي على وجهك كل شوي

واظافيرك ابريدهم والا خلي شغالتكم تبردها لكي مرررررررة بردهم حلو وخلي لك في الحمام وانتي بكرامة
فرشة للاسنان وفرشة اسنان اخرى ولكن لتنظيف الاظافر


لا تصفقوا و ممنوع التصفيق
اعذروني اميراتي على الاطالة
تعبت من النصايح
لكن قريبا اكمل لكم الباقي انشالله
<---كان ودي اكتب كل هالكلام بالعنوان بس ماستطعت خخخخخخخ
شكرا
شكرا لكم
لاتصفقوا احسن لا اوريكم الشغل العدل
هههههههههههههههههه

مع حبي :- فواصل 2006


منقووووووووووول