ايه عندي هالنوعيه صراحه بس اعطيهم بالوجه البنت هي ونيسة أمها والبيت وهي اللي تشيله بعد أمها واذا طلعت وراحت وجت تدري عندها سند باالبيت والله لايحرمنا الولد نعمه في هالمجتمع الذكوري الناس يبون الولد لانه على قولتهم ماينشال له هم
اهم شي ان الطفل يصبح معافى ولد ولا بنت اهم شي هالنقطه ولو هالناس رزقوا بولد معاق ولا فيه خلل عرفوا نعمه الله مو في الولد والبنت في العافيه

انا عن نفسي اهلي يحبون البنات ام اهل زوجي يتشاءمون من شي اسمه بنت يموتون على خلفه الولد ويسوون المستحيل من تنظيم اكل على قولتهم موالح وحوامض وتنظيم فترات ماادري وش التبويض وهالشياء عشان يطّلع ولد بالنسبه لي اهم شي الخلقه الحسنه والعقل السليم وربي لك الحمد على مارزقني الحمدلله عند اطفال بس بالنسبه لي بنتي هي اللي تساعدني وشايفه حنانها علي ورحومه الله يرزقنا برهم جميعا والله يرزق كل محروم ماراح احد يحس بنعمه الضنى سوى بنت او ولد الا المحروم منها والله يرزق كل شخص مايتمنى

ايه انا تربيت في مجتمع يقدس الذكور اعوذ بالله من تفكيرهم اخواني كانت امي تفضلهم علينا وكبرنا سوى والحين اناواخواتي كل وحده تزوجت وكل وحده بمدينه انا بتبوك ولي اخت بجده والثالثه بالشرقيه وجلست امي وابوي وحيدين والعيال وين ووين يجونهم طبعا احنا يالبنات اذا تجمعنا في الاعياد عند امي وابوي الدنيا مو واسعتهم من الفرحه الله يحفظهم بس مدري ليش دايما واحنا صغار امي وابوي يموتوا على العيال ومع انهم كانوا اخواني فيهم الكبار والصغار الا ان امي كانت تسير على الجيران وتوصيني انا واختي اللي بعدي نسوي لهم الغظى ونهتم في الاخوان وياويلنا لو مانفذنا هالشيء المهم مرة امي كانت حامل وقلت يارب تجيبي بنت هي مارددت بس ابوي قالي كلي تراب سبحان الله وجابت بنت امي وبرضه اهلي اذا سمعوا احد من الجماعه جاتله بنت يسكتوا واذا جاله ولد يقولوا الله يجعله ولد الحياة

سبحان الله مافيه أحد راضي..
أهم شيء الصحه والخلقة الحسنه ولد ولابنت هذا رزق من الله..
رغم أن أمي تفضل ذريتنا أولاد ينفعونا على قولتها
لكن النفع من رب العالمين من بنت ولا ولد...

بجد كلهم نعمة الحمدلله بس كثيرررر اقراء مواضيع بعالم حواء وغيررو يبون خلطات او اي شيء بس عشان الولد وهي عندها بنت وحدة فأستغرب من ناس زي كذا ؟؟؟