البنت في سن الثلاثين

انا محمود من مصر 36 سنه
معروض عليا أشوف بنت سنها 31 سنة
انا معنديش مشكله مع السن ده او غيره
لكن بصراحة خايف انها هي اللي يكون عندها المشكلة - خايف أن بعد ما أشوفها و ميكنش في نصيب مثلا - هي تحس بالأحباط أكتر و تشوف نفسها مش جميلة أو ان الناس مش بتحبها بسبب عمرها ......
ظروف مجتمعنا اللي بتخلي البنت تشعر بخيبة الأمل لمجرد الأقتراب من سن الثلاثين و إحساسها بالأحباط و اليأس و فقدان الأمل بعد ما تكون شافت كل أصحابها و هما بيتزوجوا و يخلفوا و البنات الأصغر منها كمان - كل ده بيخليها عرضة للضغوط النفسية ......
دلوقتي أيه رأيكم ؟؟؟؟
أتوكل علي الله و أروح أقبلها مع أحتمال أن ميكنش في نصيب ؟؟ ----- و ساعتها يبقي أنا إديتلها أمل كذاب و كأني خدعتها
و لا بلاش أحسن و خليني بعيد ---- و أهو اللي خلقها خلق غيرها كتير
علي أساس أن غيرها ممن هم أصغر سناً مش هتفرق معاهم إذا حصل نصيب أو لا --- هي حاسه أنها لسه نصيبها مجاش و أن خيرها في غيرها و أن الفرصة لسه قدامها ؟؟