بنات اليوم مشاعر كلها متجهه لقريبه الله يوفقها وييسر امرها
انا تعرفون اني مطلقه وحضانه اطفالي لي وابوهم عايش بعالم ثاني عالم الضياع والمخدرات ولا يسال عنهم
امر بضغوطات كثير هذا غير اني عندي دوام وبدون شغاله بس مهون علي هالشي ان اهلي تحتي
فيه قريبه لي من زمان اسمع عنها انها طيبه كثير وانا ماشوفها الا قليل
الكل يثني عليها وعلى اخلاقها واشوف لها قبول بين كل قرايبنا يحبونها حب لدرجه يفتخرون بمعرفتها اذ عزومها يكتبون عنها عبارات وحالات بالواتس قلت مستحيل اغلب الناس تتفق على شي الا صدق
ولد اختي اخذ اخت هذي البنت وصارت علاقتنا فيهم اكثر من قبل
يوم تقربنا منها بنات احس ربي حط بطريقي هالانسانه زي اللي يطبطب على جروحي باسلوبها الحلو زود على افعالها وخدمتها لي بمواقف كثيره انسانه ايجابيه اذ تكلمت ماودكم تسكت لو شكيت لها من التربيه تقول بتشوفين تعبك هذا بعد سنوات وتقول كلام والله على طول يصير بقلبي واقتنع فيه ومواقف كثيره يطول ذكرها
اذ سمعتها مابي اسمع كلام غيرها من كثر الايجابيه مع انها مطلقه ومتاكده انها اكثر انسانه مكسوره بس ماصارت سلبيه
اكثر شي اعجبني وحسيتها انها راقيه يوم شفت تعاملها مع العاملات حقات خواتها تسولف معهم واذ اعزمونا وتعشينا لازم تشيل معهم من الاغراض وتحطهم بالمطبخ وتساعدهم وتسولف معهم
اسلوبها ذا اكتشفت انه ماهو معي وبس مع كل الناس الا اللي يغلط عليها تكون صارمه تقول هو والجدار واحد
يعني البنت جامعه قوه الشخصيه والاخلاق اللي مدري وش اقول عنها ماشفت اي غلط بشخصيتها كل مالها تكير بعيني
اللي خلاني اكتب لكم احس البنت لازم اسوي لها شي لازم اشكرها باي طريقه
الموقف قبل اسبوعين بنتي طاحت من الدرج وصار كسر برجلها انا خلاص يوم قالوا كسر حسيت ماراح تمشي مع ان الدكاتره طمنوني بس خفت واخذت اجازه من الدوام ومقابلتها لانها اول ٣ ايام تتالم طول الليل دخلت بنوبه وسوسه ويجوني يزورني قرايبي جت هذي البنت اليوم هي وامها وتطمني وانه هذي اثار الطيحه يوم جيت قبل شوي الا هي مرسله لي واتس كلام دكاتره عن وضع بنتي ومقاطع فيديو مشابهه لحاله بنتي
بنات ( البنت ماهي مكلوفه تسوي هالشي ) ولا ترتجي مني اي شي
شرحت لكم جزء من مواقفها لاني ودي اخدمها
امانه قولي لي ابي شوركم كيف اجازيها لانها بعد الله ماغير نفسيتي وطمني غيرها
اجيب لها خطيب لانها هي مطلقه وماهي صغيره اجيب واحد يستاهلها يعني امدحها عند ناس او اعطيها هديه وش اسوي بالبنت ذي لازم اجازيها
تناهيد 55 @tnahyd_55
عضوة
يلزم عليك تسجيل الدخول أولًا لكتابة تعليق.
فش فاشه
•
حرام عليك تقتلين الشي الجميل اللي فيها لو جبتي لها خطيب وتكسبين اثم تحطمينها وتحطمين كل اللي يحبونها
جيبي لها هديه خااتك ذهب مع سواته وادعي لها الله يكتب لها الخير وين ما كان
عمر ما كان الزواج والخطيب مكافأه
جيبي لها هديه خااتك ذهب مع سواته وادعي لها الله يكتب لها الخير وين ما كان
عمر ما كان الزواج والخطيب مكافأه
الصفحة الأخيرة
الطلاق والعمر يمضي مر
بس انتبهي انتبهي تختارين لها واحد مايستاهلها
مثل هذي الادميه تستاهل افضل وانبل الرجال