تسلمين على الموضوع
انا ما اويد زواج الاقارب اطلاقا ياشيخ بعض مو كل الاقارب عقارب مع اني ما خذه من قرايبنا الا انه .......مدري وش اقول لك اذا صار قريبك راح يمون عليك وعلى اهلك بزياده وما يكون فيه ذاك الاحترام او الجامله او التقدير غير لما يكون بعيد عن العايله مدري كيف اوصل كلامي عموما على قوله بروق نجدية من عرفك صغير حقرك كبير
:26:

أنا من اللي عانوا من هذا الموضوع محجوزة لولد عمي من صغري ولمن كبرت دخل ولد عمتي في الخط صار في منافسة شديدة بينهم وبعدين اكتشفنا اكتشاف رهيب




































































































جدي مزوج وحدة ثانية غير جدتي من زمان وهذي الزوجة الثانية رضعت ولد عمي صار ولد عمي يصير ايش يابنات































































يصيرعمي وعم جميع بنات العايلة "حلوة صح "افتكيت من رب العالمين
وطبعا هذا الموضوع ما اقنع عمي ولده بس انا صممت على موقفي ورفضته ورفضت ولد عمتي وبعدين جاني زوجي
واخذني على حصانه الأبيض :فلم هندي صار"
وانا ما اايد زواج الأقارب من الناحية الصحية .

اتا راح اتكلم عن عائلتنا كل بنات عمى متزوجين عيال عمى وعايشين مع بعض بسعادة وهناء بس انا عن نفسى مااحب زواج الاقارب خاصة اذا كنت تعرفينه مرررة ومتربية معه تحسين انه زى اخوك.وعموما المسالة مسالة نصيب

انا اشوف اولا واخيرا قبل كل شيء الزواج قسمة ونصيب بس من رأي انا الشخصي لا اؤيد زواج الاقارب لأسباب عدة الي ذكروها الاخوات وأضيف على كلامهم ان اذا حدث انفصال بين الزوجين بيكون هناك خلافات شديدة بين الاهل وقد توصل الى حد القطيعه ولكن اذا كان الزوجان غريبين عن بعض واذا حدث انفصال بينهم كل واحد بيروح في طريجه ولا قطيعه بين اهل الزوج والزوجه ولا شيء لأنهم اغراب عن بعض والله يوفق الجميع ان شاء الله واشكرج اختي أم دحومي الحلوعلى طرحج لهذا الموضوع :26:

الله يسامح اللي جبرني على ولد عمي
مدرو انهم اجبروني على الهموم والمشاكل
يالتني عييت وصحت وبكيت قلت مابي:06:
قالوا مالج الا ولد عمج مهما يكون حاله
قالو يتغير وينصلح حاله عقب الزواجي
والحال بقى ماهو عليه وماتغير حالة

:44: :44:

مهما سويت له وضحيت لااجلة ما يقدرني
تدرون اخذت قرض علشان اسدد قرضة وبالتالي كني مسويت له شئ
اه اه اه قلبي يوجعني من كثر الاالم
مهما قلت عن معناتي مع ولد عمي ما اقدر افيها
تمنيت شئ واحد ان امي تكون عايشة علشان احكي لها على همي وتساعدني
هذا انا صابرة عليه علشان هو ولد عمي