الله يجزاكم خير على الدعوات الطيبه

أستغفر الله الذي لا إله إلا هو الحي القيوم وأتوب إليه

يرزقني رزاق الهوايش بجحرها
لا خايلت برقن ولا هيب حايله

والله انا جالسه ادور لقريبي على عرووسه وماحصلت المواصفات اللي يبغاها للحين والكل يمدح في الولد ولو دريت ان الولد بيفشلني كان ماخطبت له عند احد كان متزوج قريبي هذا لكن طلق زوجته يوم خطبتها امه له مدحوها اقاربها لين وصلوها لسماء وبعد الزواج اكشتف ان زوجته تخوونه بالمكالمات والمسنجر والحين امه مقهووره على اقارب زوجته المطلقه لانهم كانوا يمدحونها وهي مو كفوو ويوم قالت لهم امه ليش تمدحونها قالوا توقعنا انها بتعقل بعد الزواج وهي كبيره بسنها ونبي نزوجها علشان خواتها اللي اصغر منها يتزوجون مع ان عمرها كان 24 والولد 25 بالله وش رايكم مو حاجه تقهر والحين الولد خايف يروح يخطب عند احد يقولون له انت مطلق مانزوجك وش ذنبه اذا زوجته مو كفوووو:( اللي تحصلي بنت حلال لتتردد تخبرني وبدعيلها بصلاتي

هذا موضوع جدا حساس .. ما تتصورين شقد كميه الاحراج اللي فيه وتأنيب الضمير لو اللي انتي داله عليه/ها طلع فيهم عيب او سوء اخلاق او اييييي شييي ولو كان صغير..
والله انا يا محاكيتك سعيت في خطبه اخوي .. امي ما تعرف ناس كثير واللي تعرفهم ما ينفعون .. الزبده طاحت في راسي ..
خطبنا له بنت حلال وتمت الملكه على خير .. بس والله اي تصرف مش لطيف منها او من اهلها او قله سنع او حتى تطنيش من طرفهم اقسم بالله اني استحي ويضيع وجهي من امي واخوي كنها بنتي وانا اللي مربيتها مو وحده دالتني عليها !!!
وحتى ردود افعال خواتي نفس الشي يتكلمون "او قولي يحشون" على اللي يضايقهم من تصرفات العروس واهلها لكن اذا دخلت عليهم يسكتون ؟؟؟
الزبده والخلاصه ان الكلام سهل لكن التجربه صعبه جدا وهذي عشره عمر فاذا انتي مومتأكده تماما من اللي انتي داله عليهم ما انصحك ابدا تحطين شي بذمتك ..وفي هذا الزمن حتى الخوات ما يعرفون عن بعض كل شي ..
والحمد لله الرزق بيده ولا حيله في الرزق ..