كفشتك ثموووووووووووووره هههههههههههههههههالله يهون علينا وعلييييييييييك وتفرحين بشوفته ...

هل تشعرين بألم لمن يضربك الدكتور الابره ؟؟

ااااه
هذا اللي نفسي اعرفه من المجربات بالضبط لاني اخاف البعض يتكتم مايعلم علشان مانخاف
لاني مو قادرة اتخيل ابرة بالظهر وماتعور اححح

عاشقة زوجي
فرحت اول ماشفت موضوعك نفس الاسئلة ببالي وليت كل وحدة تكتب لنا وين سوت العملية ومن الدكتور اذا هي متذكرة
وألف شكر على موضوعك دوما مبدعة غلاتي

اختي انا جربت في الولاده الاولى بنج كامل ( مره متعب)
في الولادتين اللي بعد كدا بنج نصفي مع دكتوري عبدالرحيم قاري في التخصصي بجده
والله انو اريح واسهل
بالنسبه للالم شوفي ساعه الابره نفسها( ابره الظهر) اي في الم بس مو الشئ القاتل يعني تقدري تستحمليه وبسهوله
في اثناء العمليه مافي نهائي اي الم وانا كان مره زوجي معايا ويتكلم معايا ويطمني والمره الثانيه ماما دخلت معايا
بعد مايتفك البنج ماتحسي بالم لانهم معروف يعطوكي مهدئات في ابره الوريد ( المغديه)
وادا رح احمل ثاني ان شاء الله اكيد رح اطلب نصفي

ورح اقولك شويه اشياء تفيدك في البنج الكامل تحسي بعده بالم في حلقك وفي اثناء الكحه لانو اثناء العمليه لازم تتنفسي وادا انتي مخدره يقوم دكتور التخدير يفتح فمك مجرد ماتنامي يفتحو على الاخير ويدخل زي الانبوبه لرئتك اشان يعطوها اكسجين وهادا الانبوب هوا اللي يخليكي تحسي بالم بعد العمليه

اما في حاله التخدير النصفي فانتي بنفسك تتنفسي
كمان في فرق ثاني بعد التخدير الكامل وبعد انتهاء العمليه يظل دكتور التخدير جالس جنبك اشان يتاكد انك فقتي ( صحيتي من البنج) لانو معروف انو شويه زياده في البنج ممكن تدخلك غيبوبه وتقتل بعض خلايا الدماغ
بينما في التخدير النصفي مافي اي خوف فقط يتاكدوا انو بديتي تحركي رجلك ( لانك تاخدي وقت اشان تحركيها)

كمان في شئ مهم رح تحسي ببرد شديد جدا لانو انتي صاحيه ومعروف انو غرفه العمليات برد شديد اشان طبيا يخافوا من نزيف الدم بعدين اشان الاجهزه فانتي رح تحسي ببرد شديد بس فتره ويروح
بينما في البنج الكامل ماتحسي كدا لانك عبال ماتفوقي من البنج تكون درجه حرارتك رجعت طبيعيه

الخلاصه التخدير النصفي احلى واسهل واقل مخاطر

طبعا انا اكلمك بحكم اني اشتغلت فتره في غرفه العمليات

كان نفسي اشكر كل من كتبت رد وافادتنا بس امنتدى مره مو راضي يسوي اقتباس

انا اعطوني بنج كامل وبعد ماصحيت انواع الالم كل شوي مسكن ولا اقدر اقوم والحمدلله على كل حال