بسم الله الرحمن الرحيم
أهلا بالحبيبات جميعا ..اليوم لاهو نصيحه ولاهو توجيه ..حصة فراغ اليوم ..
عندي سالفه ..
عندي صديقه ..تركب مع سيارات الأجره الخاصه ..مع بنقالي ..طلبته ذاك اليوم ..وتأخر عليها ..
قال معليش أنا في تأخير..قال: اليوم مرره زحمة ويقصد يوم الإربعاء اللي فات..
يعرف هذا كل سعودي بعدين في أخذ 2 راتب ..وبعدين يصرف يصرف كثير.بعدين خلاص فلوس..
قالت وهي تنفخ : لا مو كل سعودي أخذ 2 راتب ..
قال: أنا يعرف هذا سعودي..انا عندي بقاله أول شهر يطلب كل شيء..آخر شهر بس يطلب حليب وزبادي..
قالت وهي تنفخ : هنا سعوديه كل غااالي ..وبعدها سكتتتت وصار يحكي.
قال : عند انا بقاله ومحل دواجن..البقاله 4 فتحات اجار بس 16 الف..رخيص..
انا عندي قريب في دبي واستراليا وامريكا وكل يقول أنا انت في رخيص في سعوديه
يقول في دبي 2 حبة طماط 7 ريال هنا صندوق 12 ريال..
شقة هنا رخيص..
والله سعوديه مافي غالي..بس سعودي يصرف كثير.وبعدين آخر شهر مافي فلوس..
انا في شغل سياره ..وبقاله في شغل ودواجن..بقاله جيب 5000 في الشهر ..ويعطي عامل في يشتغل <<<صار كفيل ..
......
وبعدين فيما معنى كلامه انه يوفر ..ويجمع فلوسه ويبدأ يعطي عماله والاجارات..
طبعا او ل ماجاء للسعوديه باع مزرعته هناك وجاء ومع شغل السياره جمع ..فلوسه
..
مايستفاد من القصه :
اولا ::ماودي نسب في البنغاليين ..لانه ماله فائده ..كل دوله فيها مجرمين وفيها صالحين ..
ثانيا :له 10 سنوات يكد على هالسياره ..وفر منها مع مزرعته واستأجر محلين بقاله ودواجن..
ثالثا : لو كان مجرم كان مسكوه من زمان ..لكن يشتغل بعرق جبينه طلع هذا كله ماشاء الله
رابعا : تراه مسلم ومصلي وصايم يعرفونه من زمان ..وماشافوا منه شر..
خامسا :مو هذا فقط يعرفون كم سياره خاصه ونفس الطريقه يكدون من يصبحون إلى أن يمسون..يدخلون بالشهر 7000 ريال..تقريبا..وكل شهر حسب المشاوير..
سادسا :طريقة الصرف كيف..حسابات وتلقينه يفهم بالمحاسبه
سابعا :أنا ماالمع فيهم..لكن اقاربي الرجال يقولون كثير مثل شاكلته..يستأجرون استراحات من السعوديين بالسنة ويؤجرونها باليومي..
يفكر صح ..يبحث يعمل ..يحاسب..
طبعا كلمته عن راتبين السعودين مو لأنه بيحسدهم او يناظرهم ..تلقونه اكثر تجاره من هاللي بياخذون راتبين ..فما يحتاج يناظرنا..هو كان يبين انه طريقه صرف السعوديين ..خلت جيبوبهم فاضيه آخر الشهر..
طبعا وآخير المفروض صاحبتي الجميله ماتسولف معه ..
طبعا تقول بغينا نرجع مانروح للسوق <<<تأثروا بالمحاضره ..:)
يابنات خذوا القصه بسعه صدر ..خذوا الفائده منها ..وونسأل انفسنا صدق هل احنا نصرف ..بدون حساب..؟
هل ادخرنا مبلغ للظروف .؟
هل عندنا مصدر دخل ثاني ..؟
..كتبت هالموضوع قبل تنزل الرواتب ..نفسي المجتمع يعتبر هالراتبين ماجت ويوفرها ويجمع عليها ..ويبدأ بمشروع ..ويضع له هدف..ويبعد عن القروض والأسهم آكلات اموال الناس ..ويتعب ويشقى ويآخذ لقمته من يده..تلقون هالبنقالي مبارك ربي في ماله ..سبحان الله ...
بارك الله فيكم ..ترفيه اليوم
حبيبتهم (أم عبدالعزيز) @hbybthm_am_aabdalaazyz
عضوة شرف في عالم حواء
يلزم عليك تسجيل الدخول أولًا لكتابة تعليق.
اي والله صادقه الاكثريه مننا كذا من نمسك كم قرش على طول للسوق ونخربط كثيييير على قولتنا اصرف مافي الجيب يأتيك مافي الغيب...بس ماشاءالله على هالبنغالي مكافح الله يباركله بقريشاته.وبالنسبه للراتبين ماراح ينولني منها شي:06:
الصفحة الأخيرة
بس حطي في بالك الايجاررات كيف عندنا؟
ومعظم الشباب راتبه كم ويصرف على كم نفر؟
صح انه الحين فيه ضروريات كانت زمان ولاشي بس الزمن فرضها مثل الجوالات والشحن والفواتير
يعني التليفون الحين ولاشي عندهاا
وصار حتى البزر عنده جوال
وباقي شوي والحرمه تطلع من غرفة الولاده وتكون طلاعة المولود شريحه وجوال .. < صيغة مبالغه امزح
بس الجد الحين في اشياء تشوفينها مالها داعي بس اذا بتحاولين تستغنين عنها ماتقدرين من اللي حولك
بالنسبه للرجال والل انهم فرق عن الحريم بالتوفير
صح فيه مبذرين بس الحربم أكثر
حلو ان الواحد يفتح له حسابين حساب على قده للمصاريف العاديه وحساب ثاني للتوفير مايجيه ابددددددددد يتركه للمستقبل
والله يهني الجميع ويعطيك العافيه