البنـــوك

هلا وغلا بكل من شرف موضوعي ...طبعا اتمنى انه يكون المكان المناسب لهذا الموضوع
... حبيباتي ماشدني لكتابة الموضوع هو القهر وماادراك مالقهر :44:
انا قرأت موضوع تجمع موظفات والراغبات في العمل في البنوك ولاحظت انه مادخل الا موظفتين على كلامهم فقط والبقيه كلهم راغبات في العمل ومع ذلك واضح عليهم اليأس وابي اقولهم عن تجربتي .....
اكثر وحده سوت انتر فيو في العالم اتوقع انه انا من كثر مااروح وبدون جدوى اطلع من عندهم على اساس انه كل شي اوكي وبنتصل وبعدها لا اتصااااال ولاخبر صدقوني ماينفع غير الواسطه ومو اي واسطه بعد لازم واسطه قووووووويه تخيلوو يابنات كثيررررررررر اعرفهم كلهم متوظفين بشهادة ثانويه من غير خبره ولا شي تدخل مثل الاطرش في الزفه ومسماها الوظيفي حلوو وفي ناس احق منهم بهالمكان واللـه يرزقهم مو حاسدتهم انا بس الموضوع انه في شي قاعد يصير يقهر كثير بنات عندهم طموح ومالقوا مكان يثبتون وجودهم فيه امثالي طبعا انا ولله الحمد عندي الوالد والاخوان اللـه يحفظهم كلهم مناصب عاليه بس مستحيل يتوسطون لااي احد بشي اتربينا على انه كل واحد يكون مستقبله بيده علشان مانكون اعتماديين وجننتهم ابيهم يفهموون ان االدنيا صارت كلها واسطات بس لا حياة لمن تنادي ومن خلال روحتي وجيتي عليهم وقت مايكون عندي انتر فيوو لاحظت ان الموظفات اللي واجهوني فيهم انانيه فضيعه مايبون احد يتوظف ماادري ليه هل انا اذا اتوظفت انتي بيفصلونك شي غريب يتعاملون معاكي معاملة سيئه وهم نصهم مايدبرون شي تقعد على مكتبها واذا جتها عميله اتوهقت وتروح تتصل على فرع الرجال تدور احد يفزع لها ويعلمها وش لون تخدم هالعميله طبعا انا مااقول كلهم ماراح اجمع لاني ماابي اكون ظالمه بس اللي شفتهم انا كذا في اغلب البنوك وبالنسبه للاختبارات اصعب اختبار كان في ساب طبعا صعوبته في الوقت لان الاختبار طويل والوقت قصير وانا حبيت انقل تجربتي لغيري علشان تكون عندهم خلفيه عن بعض الامور وفي النهااايه اتمنى التوفيق للجميع وادعوا لي اني اتوظف صدقوني لو اتوظفت بجي ابشركم وبنفس الوقت بثبت وجودي اول الين ماامسك اعلى المناصب وبعدها بجي اوظفكم ماارح انسى احد لاني مريت بتجربة قاسيه لي تقريبا 8 سنين وانا رايحه جايه بدون جدوى


تحياتي لكم جميعاااااااا