وش رايكم بـ كنب الوانه موف او بنفسجي غامق مو فااااااتح و ذهبي مو فااااااقع كأنه ترتر يتلامع
دخلت محل ولقيت عندهم بـ هاللونين مررررررره اشكالهم حلوه وملفته غييييييير عن الوان الكنب التقليدي
( كنب المجالس اقصد ) يعني دايم اشوف كنب مجالس يكون مابين هالألوان التقليديه ودرجاتهم ( بيج - بني - خمري -
عنابي - عودي - زيتي - سكري - و حالياً صاروا يدخلون اللون التركواز ) يعني مااشوف جرأه بالألوان
بس من دخلت المحل على طوووووووول لفت انتباهي هالكنب البنفسجي والذهبي وجاي الوان متداخله ببعض
يعني مو ساده مشجر و منقط مدري مدور يعني مو ساده كئيب...
المهم قلت يااااااله بتوكل على الله واتجرأ هالمره واغير ستايل المجلس التقليدي دااااااااااايم الوانه تقليديه
وبما انه مجلس نسائي مو رجالي
و خلاص اتفقت مع المحل واخترت شكل الكنب والخداديات الصغيره اللي معاه وقررت على هالقماش اللي شفته
ارضية المجلس بتكون رخام فاتح لأنه احلى وارقى شي رخام يسمى كريما مارفل على مااعتقد
او اسمه يشابهه....
والجدران اخترتها لون وااااااااحد مااحب كثرة الألوان واللخطبه احب لون واحد عشان يبقى طويل وماينمل
اخترت شامواه الشعاع جاي لونه ذهبي مطفي مو فاقع لأن لون البنفسجي غامق
فـ مو حلو البويه تكون غامقه ابغاه يكون معاكس للون البنفسجي وبنفس الوقت مناسب للذهبي اللي
مع البنفسجي
فكرت ببويه بيج او اوف وايت وطلع شكله باااااااااااااااااايخ مع كنب بنفسجي وذهبي
...................
اللي ابغاه منكم : ياليت تقولون لي رأيكم بصراحه بـ جرأتي بأختيار هاللونين ... هل انا غلطت لما اخترتهم ؟
او لا ؟ مع العلم انهم مره عاجبيني واحس تغيير عن باقي البيوت بس مادري ليش خايفه
ان لما يخلص الكنب مايكون حلو او اتحسف ... بس الحين مايمديني اسوي شي لأنهم خلاص بدوا يشتغلون فيه
بس ودي بأرائكم بكل صراحه... وانا روحي رياضيه يعني عادي اتقبل :D ومااحب المجامله
..............
سؤال ثاني : الطاوله اللي بحطها بالمجلس اختارها بني غامق ؟ او اختار خشبي يعني مثل لون الخشب
الفاتح عشان يناسب للون الذهبي ؟
والسجاده ايش احطها بنفسجي او ذهبي ؟
بحط لكم صورة فستان عشان اوريكم درجة لون الموف او البنفسجي اللي اقصد
تقريييييييييييييباً مثل هاللون