البنوتات ابيكن الله يصلحكن .. اما المعرسات يروحن يجهزن السكاكين والسواطير

مساكن الله بالخير
كل عام وانتن بخير

انا ابي البنات بس .. المعرسات ينامن بدري وراهن موعد مع المذكور ادناه
7
7


الله يتقبل :)


وعلى طاري الحمل الوديع اللي فوق ودي اقعد مع خواتي الصغيرات .. ترا عاد موب صغيرات واجد !! يعني الفرق كمن شهر بس :baby2:
يوم يقطعون سرك وانا سري توه يطيح هههههههه


الكلام اللي ابقوله
اكيد كل وحده منكم تحلم بفارس احلامها جاي على بنز اسود قصدي على حصان ابيض :D
ومتى ما جاء طايييييييييييييير ماسكن شماغه لا يطير في العجه ... ووافقوا عليه اهلك تلاقينك انتي :icon28:

الله يسعدكم :icon33: << دموع الفرح
وجهزوا لي بطاقه للزواج وابي مكان زين في العرس مابي قريب من الطقاقه تفقع اذني ولا بعيد عن الكوشه ما اشوف شي ولا اتمقل في رجلتس خخخخخخخخ
وحطوا لي شطه على طاولة الاكل لازم شطه


المهم


بعد الزواج ياخذك الى عش الزوجيه بكل حنان


8
8
الله لا يحرمني هالحياء العذري بس ههههههههههههه


نجي الحين للمهم فتحي اذانتس وغمضي سنونتس زين

اكيد هذا رجلتس وحقه محفوظ واكيد تعرفين واجباتس زين ومنتيب مقصره ابد
بس فيه كم شغله ما ودي تتميلحين وتسوينها

اول ما تدخلون الفندق والا البيت والا في السفر المهم في اي مكان يكون معتس شنطه كبيرة فيها قراشيعتس الي تقطع القلب
لا تتميلحين وتشيلينها وتقولين عنك يا بعد عيني
لا جعل قليبتس يسلم .. مهما صرتي مربية عضلات تراه اقوى منتس
لا توفرينه والا لا تتفاجئين اذا جا بعد كم سنه وخلاك تشيلينه هو بكبره
وجاتس فتاق
في البدايه ما راح يتوقع منتس تشلين شناط لكن اذا عودتيه بتصيرين حمال طول عمرتس هذاني علمتس
هو اذا ما كان يقدر بيدور له احد يشيل عنه لا تخافين عليه




نمبر تو

اذا رحتوا للمطعم وقال لتس وش تبين تاكلين يا طحينية قلبي
لا تقولين اللي تبي والا مثلك والا أي شي
قولي له ابي اشوف المنيو << يا عيني بغيت اغص وانا اقولها

تمقلي في المنيو الين تشبعين واللي يعدمني كل عدو لا تناظرين الاسعار
ارجوووووتس تراه شهر عسل واحد لا عاد جايتس لا عسل ولا مربى ولا حتى صلصه

اذا خلصتوا ماكلين لا تخلينه يطلب الفاتوره الا خلصتي من الاكل وسألك تبين شي ثاني ؟؟ حلى او شاي او قهوه
والا تراه في المستقبل بيطلب الفاتوره ويحاسب ويطلع ويركب السياره ويوصل البيت وانتي ما بعد قلتي بسم الله




يتبع